- యాంటీ ఇండియన్స్తో సంబంధాలే కారణం!
శ్రీనగర్: హిజ్బుల్ ముజాహిదీన్ చీఫ్ సయ్యద్ సలావుద్దీన్ మూడో కొడుకు సయ్యద్ అబ్దుల్ ముయీద్ను ప్రభుత్వ ఉద్యోగం నుంచి తొలగించారు. ఆయనతో పాటు మరో ముగ్గురినీ ఉద్యోగాల్లోంచి తీసివేసినట్లు కాశ్మీర్ అధికారులు ప్రకటించారు. దేశానికి వ్యతిరేకంగా వార్తలు ప్రచారం చేస్తూ.. టెర్రరిస్ట్ గ్రూపులతో లింకులు ఉన్నాయనే కారణంగా తొలగిస్తున్నట్టు శనివారం తెలిపారు. ముయీద్.. కామర్స్ అండ్ ఇండస్ట్రీస్ డిపార్ట్మెంట్లో ఇన్ఫర్మేషన్ అండ్ టెక్నాలజీ మేనేజర్గా విధులు నిర్వహిస్తున్నాడు. సలావుద్దీన్ ఇద్దరు కొడుకులు సయ్యద్ అహ్మద్, అహ్మద్ షకీల్లను కూడా ప్రభుత్వం నిరుడే డిస్మిస్ చేసింది. కాశ్మీర్ ఎంటర్ప్రెన్యూర్షిప్ డెవలప్మెంట్ ఇన్స్టిట్యూట్ కాంప్లెక్స్లో జరిగిన 3 దాడుల్లో ముయీద్ హస్తం ఉన్నట్టు ఆరోపణలున్నాయి.
ఫారూఖ్ అహ్మద్ దార్అలియాస్ బిట్టా కరాటే భార్య అసభ్ ఉల్ అర్జమంద్ ఖాన్ను కూడా ఉద్యోగం నుంచి తొలగించారు. ఈమె కాశ్మీర్ అడ్మినిస్ట్రేటివ్ సర్వీస్ ఆఫీసర్. ఈమె యాంటీ ఇండియన్ యాక్టివిస్టుల కోసం ఫండ్ జమ చేశారని అధికారులు చెప్తున్నారు. కాశ్మీర్ వర్సిటీలో సైంటిస్ట్గా పని చేస్తున్న మునీత్ అహ్మద్భట్, అసిస్టెంట్ ప్రొఫెసర్గా ఉన్న మాజిద్ హుస్సేన్ ఖాద్రీని కూడా జాబ్ నుంచి తొలగించారు. టెర్రరిస్ట్ గ్రూపులతో వాళ్లకు సంబంధాలున్నాయని అధికారులు వెల్లడించారు.
