- కొత్త ప్రోగ్రామ్‌ తెచ్చిన ఈబులియన్
- టాప్ క్వాలిటీ ప్రీషియస్ మెటల్స్‌‌‌‌‌‌‌‌లో ఇన్వెస్ట్ చేయొచ్చంటున్న కంపెనీ
న్యూఢిల్లీ: గోల్డ్‌, సిల్వర్‌, ప్లాటినం, పల్లాడియం వంటి ప్రీషియస్ మెటల్స్‌‌‌‌‌‌‌‌ను ఒకేసారి కొనలేమనుకునేవారు కొద్ది కొద్దిగా కొనుక్కోవడానికి అవకాశం కలిపిస్తోంది ఓ స్టార్టప్ కంపెనీ. హిందుస్తాన్‌ ప్లాటినం (హెచ్‌‌‌‌‌‌‌‌పీ) సపోర్ట్ ఉన్న ఈబులియన్ ప్రైవేట్ లిమిటెడ్‌ తాజాగా సిస్టమేటిక్ ఇన్వెస్ట్‌‌‌‌‌‌‌‌మెంట్ ప్లాన్ (సిప్) ను అందుబాటులోకి తెచ్చింది. ఈ స్టార్టప్ కంపెనీకి ప్రభుత్వ గుర్తింపు ఉంది. ఈ ప్రోగ్రామ్‌ కింద ఇన్వెస్టర్లు గోల్డ్‌, సిల్వర్‌, ప్లాటినం వంటి ప్రీషియస్ మెటల్స్‌‌‌‌‌‌‌‌లో వారానికి లేదా నెలకొకసారి కనీసం రూ.100 చొప్పున ఇన్వెస్ట్ చేయొచ్చు.
ఇప్పటి వరకు షేర్లలో సిప్ చేయడం చూసుంటాం. తాజాగా ప్రీషియస్ మెటల్స్‌‌‌‌‌‌‌‌లో కూడా ఇటువంటి అవకాశాన్ని ఈబులియన్ కలిపిస్తోంది. ఇన్వెస్టర్లు తమ ఆర్థిక స్తోమతకు తగ్గట్టు ఎంత కాలం సిప్ చేయాలనుకుంటున్నారో నిర్ణయించుకోవచ్చని ఈ బులియన్ వెల్లడించింది. కనీసం రూ. 100 నుంచే సిప్ చేయడానికి అవకాశం కలిపిస్తున్నామని తెలిపింది. ఇన్వెస్టర్లు 3 నెలల నుంచి రెండేళ్ల టెన్యూర్ వరకు సిప్ చేయొచ్చు. ఈ బులియన్ ప్రీషియస్ మెటల్స్‌‌‌‌‌‌‌‌ను తయారీ, రిఫైన్ చేస్తోంది. ఈ కంపెనీకి 50 దేశాల్లో కస్టమర్లు ఉన్నారు. తాజాగా ఇండియాలో అడుగు పెట్టింది.
9999 ప్యూరిటీ..
లండన్‌ బులియన్ మార్కెట్ అసోసియేషన్‌ రూల్స్‌‌‌‌‌‌‌‌ను ఫాలో అవుతున్న రిఫైనర్స్‌ నుంచి ప్రీషియస్ మెటల్స్‌‌‌‌‌‌‌‌ను సేకరిస్తున్నామని ఈబులియన్ పేర్కొంది. గోల్డ్‌ కనీస ప్యూరిటీ 9999, ప్లాటినం లేదా పల్లాడియం 9995, సిల్వర్‌ ప్యూరిటీ 999 ఉంటుందని వెల్లడించింది. సిప్‌‌‌‌‌‌‌‌లను ఈజీగా చేయడానికి వివిధ పేమెంట్ విధానాలు (నెట్‌ బ్యాంకింగ్‌, యూపీఐ) అందుబాటులో ఉన్నాయి. ‘టైర్‌ 1, 2 సిటీలపై ముఖ్యంగా మిలినియల్స్ (మిడిల్ ఏజ్‌) ను ఆకర్షించడంపై మా ప్లాట్‌‌‌‌‌‌‌‌ఫామ్‌ ఫోకస్ పెట్టింది.
యునిక్‌‌‌‌‌‌‌‌గా ఉండి చిన్న ఇన్వెస్ట్‌‌‌‌‌‌‌‌మెంట్లకు అవకాశం కలిపించే స్కీమ్‌‌‌‌‌‌‌‌ల కోసం ఈ ఏజ్‌ గ్రూప్ వారు చూస్తున్నారు. భవిష్యత్‌‌‌‌‌‌‌‌లో గ్రామీణ ప్రాంతాల్లోని ఇన్వెస్టర్లు కూడా ప్రీషియస్ మెటల్స్‌‌‌‌‌‌‌‌లో ఇన్వెస్ట్ చేసేలా స్కీమ్స్ తీసుకొస్తాం. తమ పోర్టుఫోలియోని డైవర్సిఫై చేసుకోవాలనుకునే సీనియర్ ఇన్వెస్టర్లను కూడా ఈ బులియన్ వెల్‌‌‌‌‌‌‌‌కమ్ చెబుతోంది. డిజిటల్ ఇండియా ఇనీషియేటివ్‌‌‌‌‌‌‌‌కు సపోర్ట్‌‌‌‌‌‌‌‌గా మా స్ట్రాటజిక్ రోడ్‌‌‌‌‌‌‌‌మ్యాప్ ఉంది’ అని కంపెనీకి చెందిన రాజీవ్ ఎం రంజన్‌ అన్నారు.
