వరల్డ్ కప్ ఫైనల్లో టీమిండియా 17 ఏళ్ల కల నెరవేర్చుకుంది. టోర్నీలో ఓటమి లేకుండా వరల్డ్ కప్ ను సొంతం చేసుకుంది. ఆల్ రౌండర్ ప్రదర్శనతో అదరగొట్టి..ఔరా అనిపించింది. అయితే ప్రపంచ కప్ నెగ్గిన భారత్ కు ఎంత ప్రైజ్ మనీ ..రన్నరప్ కు ఎంతనో ఒక్కసారి చూద్దాం.
ఈ టోర్నీ ప్రైజ్ మనీ మొత్తం అక్షరాలా రూ. 93.51 కోట్ల రూపాయలు. టీ20 వరల్డ్ కప్ చరిత్రలోనే ఈ ప్రైజ్ మనీ అత్యధికం. గెలిచిన జట్టుకు రూ. 20.3 కోట్ల రూపాయలు అందుకోనుంది. రన్నరప్ గా నిలిచిన జట్టుకు రూ 10.64 కోట్ల రూపాయలు దక్కనున్నాయి.సెమీ ఫైనల్లో ఓడిన ఆఫ్ఘనిస్తాన్, ఇంగ్లాండ్ జట్లకు రూ. 6. 55 కోట్లు గెలుచుకుంటాయి. సూపర్ 8 దశతో సరిపెట్టుకున్న ఆస్ట్రేలియా, బంగ్లాదేశ్, వెస్టిండీస్, అమెరికా జట్లకు రూ. 3.18 కోట్ల రూపాయలు లభిస్తాయి.
ఇక గ్రూప్ లో మూడో స్థానంలో నిలిచిన జట్లకు రూ. 2.06 కోట్లు.. మిగిలిన జట్లకు రూ. 1.87 కోట్లు లభిస్తాయి. గ్రూప్ దశలో విజయం సాధించిన జట్టుకు రూ. 25.9 లక్షలు ప్రైజ్ మనీ దక్కుతుంది. గత వరల్డ్ కప్ (2022) లో విజేతకు రూ. 12 కోట్ల ప్రైజ్ మనీ దక్కింది. అయితే ఈ సారి దాదాపు రెట్టింపు ప్రైజ్ మనీ లభించింది.
