- పేషెంట్ను చూడనివ్వకుండా
- మరో రూ.4.50 లక్షలు డిమాండ్
- ఐసీయూ అద్దాలు పగలగొట్టి లోపలకు వెళ్లిన బంధువులు
- అప్పటికే చనిపోయి ఉన్న రోగి
- గచ్చిబౌలి కేర్ దవాఖానలో ఘటన
గచ్చిబౌలి, వెలుగు : గచ్చిబౌలిలోని ఓ కార్పొరేట్హాస్పిటల్ డాక్టర్లు శవానికి ట్రీట్మెంట్ఇస్తూ కుటుంబసభ్యుల దగ్గర డబ్బులు వసూలు చేసేందుకు ప్రయత్నించారు. డాక్టర్ల తీరుపై అనుమానం వచ్చి ఐసీయూ అద్దాలు పగలగొట్టి వెళ్లి చూడగా అప్పటికే చనిపోయి ఉన్నాడు. మృతుడి కుటుంబసభ్యుల కథనం ప్రకారం..మెదక్ జిల్లా నర్సాపూర్కు చెందిన వెంకటేశ్(50) క్యాన్సర్తో బాధపడుతున్నడు. దీంతో కొద్ది రోజుల కింద గచ్చిబౌలిలోని కేర్ హాస్పిటల్లో జాయిన్ చేశారు. గత శుక్రవారం సర్జరీ చేశారు. అపరేషన్ కోసం రూ.5.50 లక్షలు తీసుకున్నారు.
రెండు రోజుల్లో డిశ్చార్జ్ చేస్తామని చెప్పారు. గురువారం నుంచి వెంకటేశ్ ను చూడడానికి అనుమతించడం లేదు. దీంతో వారిలో అనుమానం మొదలైంది. వెంకటేష్ను చూపెట్టాలని బతిమిలాడినా వినిపించుకోలేదు. వెంకటేశ్కు ట్రీట్మెంట్ అవసరమని, మరో రూ.4.50 లక్షలు కట్టాలని చెప్పారు. దీంతో ఏదో జరిగిందని భయపడ్డ వెంకటేశ్ బంధువులు శుక్రవారం ఐసీయూ అద్దాలు పగులగొట్టుకొని లోపలకు వెళ్లి చూశారు. అప్పటికే వెంకటేశ్చనిపోయి ఉన్నాడు. దీంతో ఆగ్రహం చెందిన కుటుంబీకులు దవాఖాన ఎదుట ఆందోళన చేశారు. డబ్బుల కోసం శవానికి ట్రీట్మెంట్చేశారని ఆరోపించారు. ఘటనపై ఎలాంటి కేసు నమోదుకాలేదు.
