కోల్ బెల్ట్, వెలుగు: కాంగ్రెస్ ప్రభుత్వం అమలు చేస్తున్న సంక్షేమ పథకాలను ప్రజల్లోకి తీసుకెళ్లేందుకు సోషల్ మీడియా వారియర్స్ బాధ్యత తీసుకోవాలని పెద్దపల్లి ఎంపీ గడ్డం వంశీ కృష్ణ పిలుపునిచ్చారు. గురువారం రాత్రి మంచిర్యాల జిల్లా మందమర్రి మండలం అందుగుల పేట్లోని హిందూ గార్డెన్లో కాంగ్రెస్ చెన్నూరు, బెల్లంపల్లి సోషల్ మీడియా వారియర్స్ సమావేశాన్ని నిర్వహించారు. చీఫ్ గెస్ట్గా హాజరైన ఎంపీ వంశీ కృష్ణ మాట్లాడుతూ.. కాంగ్రెస్ పార్టీకి ప్రభుత్వానికి వారధిగా పని చేయాలని సూచించారు. అసెంబ్లీ, పార్లమెంట్ ఎన్నికల్లో పార్టీ అభ్యర్థులను గెలిపించేందుకు ఎంతో కృషి చేశారని పేర్కొన్నారు. ప్రజలకు మంచి విషయాలను చెప్పాలని, సోషల్ మీడియా వారియర్స్కు పార్టీ అండగా ఉంటుందన్నారు.
పార్టీ విధి, విధానాలు, ప్రభుత్వ పథకాలు, భవిష్యత్ కార్యాచరణ పై చర్చించారు. ఈ సమావేశంలో పార్టీ సీనియర్ లీడర్ బండి సదానందం, సోషల్ మీడియా మంచిర్యాల జిల్లా కో– ఆర్డినేటర్ శశివర్ధన్, చెన్నూరు, బెల్లంపల్లి నియోజకవర్గాల ఇన్ చార్జ్లు సృజన్, వంశీ, మందమర్రి, బెల్లంపల్లి, కన్నేపల్లి, బీమిని, నెన్నల, కోటపల్లి మండలాల కో– ఆర్డినేటర్ లు శశిధర్, వంశీ,రోహిత్, శ్రావణ్, సంతోష్, అనిల్,క్యాతనపల్లి కో – ఆర్డినేటర్ సురేందర్, బెల్లంపల్లి టౌన్ ఇన్ చార్జ్ సాయి తదితరులు పాల్గొన్నారు.
