- బేగంపేటలోని పాటిగడ్డ నుంచి మొదలు
- సనత్నగర్ ఎమ్మెల్యే తలసాని శ్రీనివాస్ యాదవ్ వెల్లడి
సికింద్రాబాద్, వెలుగు: తెలంగాణ భవన్లో ఈ నెల 29న నిర్వహిస్తున్న దీక్షా దివస్కు భారీ బైక్ర్యాలీతో వెళ్తున్నట్లు సనత్నగర్ఎమ్మెల్యే తలసాని శ్రీనివాస్ యాదవ్ తెలిపారు. బుధవారం ఆయన మారేడుపల్లిలోని క్యాంప్ఆఫీసులో పార్టీ నాయకులతో సమావేశమయ్యారు. 29న మధ్యాహ్నం 2.30 గంటల కల్లా నియోజకవర్గంలోని బీఆర్ఎస్నాయకులు, కార్యకర్తలు బైకులపై బేగంపేటలోని పాటిగడ్డ మల్టీపర్పస్ ఫంక్షన్ హాల్ వద్దకు చేరుకోవాలని పిలపునిచ్చారు.
3 వేల బైకులతో పాటిగడ్డ నుంచి బంజారాహిల్స్లోని బసవతారకం క్యాన్సర్ హాస్పిటల్ సర్కిల్ వరకు ర్యాలీ కొనసాగుతుందని పేర్కొన్నారు. అక్కడి నుంచి కాలినడకన తెలంగాణ భవన్ కు చేరుకుని దీక్షా దివస్లో పాల్గొనాలని చెప్పారు. రాష్ట్ర వ్యాప్తంగా ఉన్న బీఆర్ఎస్శ్రేణులు తరలివస్తున్నారని, సనత్నగర్నుంచి అధిక సంఖ్యలో హాజరుకావాలని కోరారు. సమావేశంలో బీఆర్ఎస్ నాయకుల కొలన్ బాల్ రెడ్డి, గుర్రం పవన్ కుమార్ గౌడ్, ఆకుల హరికృష్ణ, అత్తిలి శ్రీనివాస్ గౌడ్, శ్రీనివాస్ గౌడ్, హన్మంతరావు, మాజీ కార్పొరేటర్ అత్తిలి మల్లికార్జున్ గౌడ్ తదితరులు పాల్గొన్నారు.
