నర్సాపూర్, వెలుగు : నర్సాపూర్ పట్టణంలోని గర్ల్స్ హాస్టల్లో కనీస వసతులు లేక స్టూడెంట్స్ ఇబ్బందులు పడుతున్నారని బీజేపీ రాష్ట్ర కార్యవర్గ సభ్యుడు, మున్సిపల్ చైర్మన్ మురళి యాదవ్ తెలిపారు. మంగళవారం గర్ల్స్ హాస్టల్ ను ఆయన తనిఖీ చేశారు. స్టూడెంట్స్ మాట్లాడి సమస్యలు తెలుసుకున్నారు. అనంతరం ఆయన మాట్లాడుతూ మహిళా కమిషన్ చైర్ పర్సన్ సునీతారెడ్డి, ఎమ్మెల్యే మదన్ రెడ్డి ఉండి స్థానిక గర్ల్స్ హాస్టల్ లో టాయిలెట్స్, నీటి వసతి కల్పించకపోవడం దారుణమన్నారు.
ALSO READ :పొంగులేటి రాజకీయ అజ్ఞానిగా మిగిలిపోవడం ఖాయం: తాతా మధుసూదన్
గదులన్నీ తేమ పట్టి గాలులకు పిల్లలు వణికిపోతున్నారని తెలిపారు. దశాబ్ది ఉత్సవాలు, బర్త్డేలపై ఉన్న శ్రద్ధ బడుగుల పిల్లలపై లేదని మండిపడ్డారు. వెంటనే గర్ల్స్ హాస్టల్ లో సమస్యలను పరిష్కరించాలని, లేకపోతే ఆందోళన చేపడతామని హెచ్చరించారు. అనంతరం స్టూడెంట్ తో కలిసి ఆయన భోజనం చేశారు.
