ఓ వైపు స్టార్ హీరోలకు జోడీగా నటిస్తూనే, మరోవైపు స్పెషల్ సాంగ్స్, గ్లామరస్ రోల్స్తో పాటు లేడీ ఓరియెంటెడ్ మూవీస్తో ఆకట్టుకుంటోంది తమన్నా. ప్రస్తుతం ఆమె ‘ఓదెల రైల్వే స్టేషన్’ సీక్వెల్లో లీడ్ రోల్ చేస్తోంది. ‘ఓదెల 2’ టైటిల్తో తెరకెక్కుతోన్న ఈ చిత్రానికి దర్శకుడు సంపత్ నంది కథను అందించగా, అశోక్ తేజ దర్శకత్వం వహిస్తున్నాడు. మంగళవారం నుంచి ఈ మూవీ ఫైనల్ షెడ్యూల్ షూటింగ్ను స్టార్ట్ చేసినట్టు మేకర్స్ తెలియజేశారు.
మొదటి షెడ్యూల్ను కాశీలో ప్రారంభించగా, ఈ చివరి షెడ్యూల్ను ఓదెల మల్లన్న క్షేత్రంలో చిత్రీకరించడం ఆనందంగా ఉందని మేకర్స్ చెప్పారు. మల్లన్న ఆలయంతో పాటు ఓదెల గ్రామంలోని అందమైన ప్రదేశాలలో కీలక సన్నివేశాలను షూట్ చేస్తున్నారు. ఈ షెడ్యూల్లో తమన్నా, హెబ్బా పటేల్, మురళీ శర్మ సహా ఇతర నటీనటులు పాల్గొంటున్నారు. ఇందులో తమన్నా శివ శక్తి (నాగ సాధు) పాత్రలో నటిస్తోంది.
మల్టీ లింగ్వల్ ప్రాజెక్టుగా రూపొందుతోన్న ఈ చిత్రాన్ని మధు క్రియేషన్స్, సంపత్ నంది టీమ్వర్క్స్ బ్యానర్లపై డి మధు నిర్మిస్తున్నారు. ‘కాంతార’ ఫేమ్ అజనీష్ లోక్నాథ్ సంగీతం అందిస్తున్నాడు.