తమిళ్ స్టార్ హీరో విజయ్ తనయుడు సంజయ్ డైరెక్టర్ గా ఇవ్వబోతున్న విషయం తెలిసిందే. సంజయ్ కెనడాలోని టొరంటో ఫిల్మ్ స్కూల్ లో ఫిల్మ్ ప్రొడక్షన్ విభాగంలో డిప్లమో కంప్లీట్ చేశాడు. దీంతో ప్రస్తుతం తన డెబ్యూ సినిమాపై పని చేస్తున్నాడు.
ఈ విషయం గురించి కోలీవుడ్ ప్రముఖ కమెడియన్ బావ లక్ష్మణ్ స్పందించాడు. ఇందులోభాగంగా సంజయ్ సందీప్ కిషన్ సినిమాకి దర్శకత్వం వహిస్తున్నట్లు తెలిపాడు. ఈ సినిమాని ప్రముఖ ప్రొడక్షన్ హౌస్ లైకా ప్రొడక్షన్స్ నిర్మిస్తోందని వెల్లడించాడు. అలాగే సంజయ్ తన రెండో సినిమా స్టార్ హీరో విక్రమ్ తనయుడు ధృవ్ తో తీస్తున్నట్లు తెలిపాడు.
ALSO READ | RobinhoodTeaser: రాబిన్ హుడ్ టీజర్ రిలీజ్.. లూటింగ్ సీజన్ బిగిన్స్.. నీ డబ్బు జాగ్రత్త!
ఈ విషయం ఇలా ఉండగా గతంలో సంజయ్ కోలీవుడ్ లో హీరోగా ఎంట్రీ ఇవ్వబోతున్నట్లు పలు వార్తలు వినిపించాయి. అంతేగాకుండా సంజయ్ కోసం తమిళ్ స్టార్ హీరో విజయ్ సేతుపతి తాను తెలుగులో నటించిన ఉప్పెన తమిళ్ రీమేక్ రైట్స్ కొన్నాడని, ఈ సినిమాతో సంజయ్ హీరోగా ఎంట్రీ ఇస్తాడని ప్రచారం జరిగింది. కానీ సంజయ్ కి డైరెక్షన్ విభాగంలో ఇంట్రెస్ట్ ఉండటంతో హీరోగా నటించడం లేదని తేలింది.
ఇక సంజయ్ తండ్రి విజయ్ ఇటీవలే రాజకీయాల్లోకి ఎంట్రీ ఇచ్చాడు. అంతేగాకుండా విజయ్ 69 సినిమాతో తన సినీ కెరీర్ కి గుడ్ బై చెప్పి రాజకీయాల్లో కొనసాగేలా ప్లాన్ చేస్తున్నాడు.
