కామారెడ్డి, వెలుగు: రాష్ట్రంలో తమ పార్టీ అధికారంలోకి రాగానే మొట్ట మొదట ఆరు గ్యారంటీ స్కీమ్లను పక్కాగా అమలు చేస్తామని జహీరాబాద్ పార్లమెంట్ కాంగ్రెస్పార్టీ అబ్జర్వర్, తమిళనాడు లీడర్ సీడీ మియ్యప్పన్ చెప్పారు. మంగళవారం ఆయన ఎల్లారెడ్డి నియోజక వర్గంలో పర్యటించారు. నాగిరెడ్డిపేట మండల కేంద్రంలో ఇటీవల పార్టీ ప్రకటించిన గ్యారంటీ స్కీమ్ల పోస్టర్లు, కరపత్రాలను రిలీజ్ చేశారు.
అనంతరం మీటింగ్లో మాట్లాడుతూ పేద, మధ్య తరగతి ప్రజల సంక్షేమానికి పార్టీ కట్టుబడి ఉందన్నారు. టీపీసీసీ జనరల్ సెక్రెటరీ వడ్డేపల్లి సుభాశ్రెడ్డి మాట్లాడుతూ విజయభేరీ సభకు మంచి రెస్పాన్స్ వచ్చిందన్నారు. కార్యక్రమంలో పార్టీ మండల ప్రెసిడెంట్లు, లీడర్లు, కార్యకర్తలు పాల్గొన్నారు.
