- 80.90 లక్షల మంది బాధితులు
- 24.52 లక్షల మందితో నాలుగో స్థానంలో తెలంగాణ
- పార్లమెంట్లో వెల్లడించిన కేంద్రం
హైదరాబాద్, వెలుగు: షుగర్ పేషెంట్లు ఎక్కువగా ఉన్న రాష్ట్రాల జాబితాలో తెలంగాణ నాలుగో స్థానంలో ఉంది. ప్రస్తుతం రాష్ట్రంలో 24.52 లక్షల మంది షుగర్కు ట్రీట్మెంట్ తీసుకుంటున్నారని తేలింది. లోక్సభలో ఓ ఎంపీ అడిగిన ప్రశ్నకు సమాధానంగా కేంద్రం ఇచ్చిన రిప్లైలో ఈ విషయం వెల్లడైంది. నేషనల్ హెల్త్ మిషన్లో భాగంగా రాష్ట్రంలోని 1,75,29,700 మందికి షుగర్టెస్టులు చేయగా.. అందులో 24,52,989 మందికి షుగర్ ఉన్నట్టు నిర్ధారణ అయిందని వెల్లడించింది. ఈ జాబితాలో తమిళనాడు టాప్లో ఉన్నట్టు కేంద్రం వెల్లడించింది.
ఆ రాష్ట్రంలో 80.90 లక్షల మంది షుగర్ బారిన పడినట్టు వివరించింది. ఆ తర్వాత మహారాష్ట్రలో 39,81,750 మంది, కర్నాటకలో 28,74,257 మంది, గుజరాత్లో 24,01,979 మందికి షుగర్ ఉందని వెల్లడించింది. ఏపీలో 20,92,505 మందికి షుగర్ ఉన్నట్టు తెలిపింది. అత్యల్పంగా ఢిల్లీలో 1,108 మందికి షుగర్ ఉన్నట్టుగా చెప్పింది. అయితే అక్కడ కేవలం 1,25,212 మందికే టెస్టులు చేసినట్టు వెల్లడించింది. దేశవ్యాప్తంగా ప్రస్తుతం 3.13 కోట్ల మంది షుగర్కు చికిత్స తీసుకుంటున్నారని తెలిపింది.
