తమిళస్టార్ హీరో కార్తీ(Karthi) హీరోగా వచ్చిన లేటెస్ట్ మూవీ జపాన్(Japan). రాజు మురుగన్(Raju murugan) దర్శకత్వంలో వచ్చిన హీస్ట్ ఎంటర్టైనర్ నవంబర్ 10న ప్రేక్షకుల ముందుకు వచ్చింది. టీజర్, ట్రైలర్ తో మంచి అంచనాలు క్రియేట్ చేసిన ఈ సినిమాకు ఆడియన్స్ నుండి మిక్సుడ్ టాక్ వచ్చింది. థియేటర్ లో ఈ సినిమాను చూసేందుకు ఆడియన్స్ కూడా ఇంట్రెస్ట్ చూపించలేదు. దీంతో ఈ సినిమా మినిమమ్ కలెక్షన్స్ కూడా రాబట్టలేకపోయింది.
దీంతో విషయం అర్థమైన జపాన్ మేకర్స్ ఈ సినిమాను ఓటీటీలో రిలీజ్ చేసేందుకు సిద్ధమయ్యారు. ఈ సినిమా డిజిటల్ హక్కులను భారీ మొత్తానికి ప్రముఖ ఓటీటీ సంస్థ నెట్ ఫ్లిక్స్ కొనుగోలు చేసిన విషయం తెలిసిందే. ఈ సినిమాను ముందు డిసెంబర్ రెండవ వారంలో స్ట్రీమింగ్ చేయాలని భావించారు కానీ.. ఈ సినిమాకు వస్తున్న రెస్పాన్స్ చూసి స్ట్రీమింగ్ డేట్ ను ప్రీ పోన్ చేసుకున్నట్లు తెలుస్తోంది. జపాన్ మూవీ డిసెంబర్ మొదటివారంలోనే ఓటీటీలో స్ట్రీమింగ్ కానుందని సమాచారం. ఈ విషయంపై త్వరలోనే అధికారిక ప్రకటనరానుంది. మరి థియేటర్స్ లో ప్లాప్ గా నిలిచిన ఈ సినిమాకు ఓటీటీలో ఎలాంటి రిజల్ట్ రానుంది అనేది చూడాలి.
