హైదరాబాద్, వెలుగు : ఆల్‌‌‌‌‌‌‌‌రౌండ్‌ షోతో ఆకట్టుకున్న తమిళ్‌ తలైవాస్‌ ప్రొ కబడ్డీ లీగ్‌‌లో టేబుల్‌ టాప్‌‌‌‌‌‌‌‌లోకి వచ్చింది. గచ్చిబౌలి ఇండోర్ స్టేడియంలో బుధవారం జరిగిన ఐదో లీగ్‌ మ్యాచ్‌‌‌‌‌‌‌‌లో 44–25 తేడాతో గుజరాత్‌ జెయింట్స్‌‌‌‌‌‌‌‌ను ఓడించింది. దీంతో మూడు విజయాలు, ఓ డ్రాతో 19 పాయింట్లు ఖాతాలో వేసుకుంది. తమిళ్‌ జట్టులో నరేందర్‌ 15 పాయింట్లతో చెలరేగాడు. సచిన్‌, సాహిల్‌ చెరో ఐదు పాయింట్లతో అండగా నిలిచారు.
నితీశ్‌ కుమార్‌ (4), అమిర్‌ (4) ఫర్వాలేదనిపించారు. జీటీలో గమన్‌ సింగ్‌ (7) ఆకట్టుకున్నాడు. మరో మ్యాచ్‌‌‌‌‌‌‌‌లో హర్యానా స్టీలర్స్‌ 30–28తో యూపీ యోధాస్‌‌‌‌‌‌‌‌పై నెగ్గింది. వినయ్‌ (8), సంజయ్‌ (6), శివం (5) హర్యానాకు కీలక పాయింట్లు అందించారు.
