వికారాబాద్, వెలుగు : వికారాబాద్ జిల్లా అనంతగిరి ఘాట్ రోడ్ లో ఓ కెమికల్ ట్యాంకర్ బోల్తా పడింది. హైదరాబాద్ నుంచి తాండూర్ కు సిమెంట్ లో కలిపే కెమికల్ లోడుతో వెళ్తున్న ట్యాంకర్ బుధవారం మధ్యాహ్నం అనంతగిరి ఘాట్ కు వచ్చే సరికి అదుపు తప్పింది.
రోడ్డు పక్కన బోల్తా పడగా డ్రైవర్ అందులోనే చిక్కుకుపోయాడు. పోలీసులు వచ్చి డ్రైవర్ కైలాశ్ను బయటికి లాగారు. తీవ్ర గాయాలు కావడంతో వికారాబాద్ ఏరియా హాస్పిటల్కు తరలించారు.
