- రెగ్యులర్గా 36 మందికి అమ్మకాలు
- నిందితుడు అరెస్ట్, 320 గ్రాముల ఎండీఎంఏ స్వాధీనం
హైదరాబాద్ సిటీ, వెలుగు: ఎల్జీబీటీక్యూ కమ్యూనిటీనే లక్ష్యంగా చేసుకొని డ్రగ్స్ దందా చేస్తున్న వ్యక్తిని పోలీసులు అరెస్ట్ చేశారు. టీజీ నాబ్, నాంపల్లి పోలీసులు కలిసి శుక్రవారం ఈ కేసు వివరాలను వెల్లడించారు. రంగారెడ్డి జిల్లా బాలాపూర్ కు చెందిన షేక్ అమీర్ అలియాస్ వసీమ్ ఖాన్ డ్రగ్స్ కు అలవాటు పడ్డాడు. ఈ క్రమంలోనే తనలాంటి వాళ్లకు డ్రగ్స్ అమ్మి సొమ్ము చేసుకోవాలని ప్లాన్చేశాడు. ముంబైకు చెందిన డ్రగ్ పెడ్లర్లు మహ్మద్ సలీ అబ్దుల్ హమీద్ షేక్ అలియాస్ సలీం, రయీస్ అలియాస్ అయాన్ వద్ద డ్రగ్స్ కొని సిటీకి తెస్తున్నాడు. ఆ తర్వాత ఎల్జీబీటీ కమ్యూనిటీలోని సుమారు 36 మందికి రెగ్యులర్గా ఎండీఎంఏ అమ్ముతున్నాడు. ఈ నెల18న ముంబై నుంచి నాంపల్లికి ఓ ప్రైవేటు బస్సులో వస్తున్న నిందితుడిని టీజీ నాబ్, నాంపల్లి పోలీసులు కలిసి పక్కా సమాచారంతో అరెస్ట్ చేశారు. నిందితుడి నుంచి 320 గ్రాముల డ్రగ్స్, నాలుగు సెల్ఫోన్లు స్వాధీనం చేసుకున్నారు. ఈ కేసులో మహ్మద్ సలీ అబ్దుల్ హమీద్ షేక్ , రయీస్ పరారీలో ఉన్నారు.
ఐకియా వ్యాన్లో గంజాయి
ఐటీ ఉద్యోగులకు గంజాయి సరఫరా చేస్తున్న ఇద్దరిని పోలీసులు అరెస్ట్ చేశారు. గంజాయి విక్రయిస్తున్నారన్న సమాచారంతో గచ్చిబౌలిలోని జీహెచ్‌ఎంసీ పార్క్వద్ద పోలీసులు శుక్రవారం తనిఖీలు చేపట్టారు. ఐకియా డెలివరీ వ్యాన్ను తనిఖీ చేయగా, అందులో 1.12 కిలోల గంజాయి పట్టుబడింది. దీంతో వాహనంలోని నాగర్‌కర్నూల్‌కు చెందిన మహేశ్, సిద్ధును అదుపులోకి తీసుకొని విచారిస్తున్నారు.
