పద్మారావు నగర్, వెలుగు: సిటీలోని వేర్వేరు ప్రాంతాల్లో అక్రమంగా డంప్ చేసిన ఇసుకను టాస్క్ఫోర్స్పోలీసులు స్వాధీనం చేసుకున్నారు. మొత్తం 1,098 టన్నుల ఇసుక సీజ్ చేశారు. నార్త్ జోన్ పరిధిలోని తుకారాంగేట్, బోయిన్ పల్లి, తిరుమలగిరి, బేగంపేట, సికింద్రాబాద్ అక్రమంగా డంప్చేసిన 889 టన్నులు, వెస్ట్ జోన్ పరిధిలోని జానకమ్మ తోట, యూసుఫ్ గూడలో 143 టన్నులు, సెంట్రల్ జోన్లోని ముషీరాబాద్, గాంధీనగర్, దోమల గూడలో డంప్చేసిన 66 టన్నుల ఇసుకను స్వాధీనం చేసుకున్నామని నార్త్జోన్ టాస్క్ఫోర్స్డీసీపీ సుధీంద్ర వెల్లడించారు. కొంతమంది అక్రమార్కులు బయట నుంచి ఇసుక తెచ్చి సిటీలోని పలుచోట్ల నిల్వ చేస్తున్నారని, రూ.10 వేల విలువ చేసే లారీ ఇసుక లోడును రూ.50 వేలకు విక్రయిస్తున్నారని చెప్పారు. సిటీ రోడ్లపై నిఘా పెంచుతామని తెలిపారు. ------------
