నెక్కొండ/ పరకాల, వెలుగు: టాస్క్ఫోర్స్ పోలీసులు అక్రమంగా నిల్వ ఉంచిన పీడీఎస్ బియ్యాన్ని పట్టుకున్నారు. టాస్క్ఫోర్స్ ఏసీపీ మధుసూదన్ కథనం ప్రకారం హనుమకొండ జిల్లా పరకాల పట్టణంలోని శ్రావన్కుమార్ బిన్నీ రైస్ మిల్లులో పీడీఎస్ బియ్యం రీసైక్లింగ్ జరుగుతుందనే పక్కా సమాచారం మేరకు తనిఖీలు చేశారు. 325క్వింటాళ్ల పీడీఎస్ బియ్యం, 187.5 క్వింటాళ్ల బ్రోకెన్ రైస్ లభించాయని తెలిపారు. ఈ మేరకు మిల్లు ఓనర్ రామిని శివపై కేసు నమోదు చేసి బియ్యాన్ని పరకాల పోలీసులకు అప్పగించినట్లు తెలిపారు.
ఈ తనిఖీల్లో టాస్క్ఫోర్స్ సీఐ రంజిత్, పరకాల ఎస్సై రమేష్తోపాటు టాస్క్ఫోర్స్, పరకాల పోలీసు సిబ్బంది ఉన్నారు. వరంగల్జిల్లా నెక్కొండ మండలం అప్పల్రావుపేటలోని గోనె ఆనంద్ రైస్మిల్లులో బియ్యం నిల్వ చేశారనే సమాచారం మేరకు టాస్క్ఫోర్స్, సివిల్పోలీసులు రైడ్చేశారు. రూ.52వేల విలువ చేసే 20క్వింటాళ్ల రేషన్బియ్యాన్ని స్వాధీనపరుచుకుని గోనె ఆనంద్తో పాటు మిల్లుకు పీడీఏస్ బియ్యాన్ని తరలిస్తున్న రామన్నకుంటతండాకు చెందిన ఏడుగురు వ్యక్తులపై కేసు నమోదు చేశారు.
