ఇప్పటి వరకు చనిపోయిన వారి పేర్లను ఓటర్ లిస్ట్ లో చూశాం.. చనిపోయిన వారి బ్యాంక్ ఖాతాల్లో వారి వారసులు డబ్బును డ్రా చేసుకోవడం కూడా విన్నాం..మధ్యప్రదేశ్‌లో ఓ కుటుంబానికి విచిత్రమైన సంఘటన ఎదురైంది. ఆ కుటుంబానికి చెందిన స్కూల్ టీచర్ ఏడు లక్షలు ట్యాక్స్ కట్టాలని ఇన్ కం టాక్స్ కార్యాలయం నుంచి నోటీసు వచ్చింది. అయితే ఇక్కడే ఉంది ట్విస్ట్.. ఆ టీచర్ చనిపోయి పదేళ్లు అవుతుంది. ఆ టీచర్ 2013లో చనిపోగా 201-7-18 ఏడాదిలో ఆమె 7 కోట్ల 55 లక్షల రూపాయిలు పన్ను కట్టాలని నోటీసులు వచ్చాయి.
మధ్యప్రదేశ్‌లోని పట్కేటా గ్రామంలోఉషా సోని అనే మహిళ టీచర్‌గా పనిచేశారు. 2023 జులై 26న ఆమె పేరిట 7 కోట్ల 55 లక్షల రూపాయిల పన్ను వసూలుకు చెందిన ఆదేశాలు ఇన్‌కమ్‌టాక్స్ డిపార్ట్‌మెంట్ నుంచి వచ్చాయి. ఈ ఘటనపై స్పందించిన ఆమె కుమారుడు పవన్ సోనీ.. 2013 నవంబర్ 16న మా తల్లి చనిపోయిందని, న్యాచురల్ కాస్టింగ్ సంస్థ పేరుపై ముడి సరుకులు కొనుగోలుకు సంబంధించి ఈ ట్యాక్స్ చెల్లించాలని నోటీసులో ఉందని తెలిపారు. కేసు నమోదు చేశామని.. వాళ్ల అమ్మ పాన్ కార్డులను ఎవరో దుర్వినియోగం చేస్తున్నారని.. వాళ్లెవరో తమకు తెలియదని అన్నారు.
మధ్యప్రదేశ్‌లో ఈ ఒక్క కుటుంబమే కాదు. అనేక కుటుంబాలకు ఇలాంటి ఘటనలే ఎదురవుతున్నాయి. గిరిజన ప్రాంతాలైన బేతూల్ జిల్లాలో దాదాపుగా 44 మందికి ఇలాంటి నోటీసులు వచ్చాయి. దాదాపు 1 కోటి రూపాయిల నుంచి 10 కోట్ల రూపాయిల వరకు చెల్లించాలని నోటీసులు వచ్చాయి. నితిన్ జైన్ అనే మరోవ్యక్తికి కూడా ఇలాంటి ఘటనే ఎదురైంది. నెలకు 5 వేల నుంచి 7 వేల వరకు సంపాదించే సామర్థ్యం గల వ్యక్తికి కోటి 26 లక్షల రూపాయిల పన్ను వసూలుకు సంబంధించిన నోటీసులు వచ్చాయి. తమిళనాడులోని కోర్టల్లమ్‌లో తన పేరుపై ఓ అకౌంట్ ఉందని ఈ నోటీసులో పన్నుశాఖాధికారులు తెలిపారు. అయితే అతనికి ఎకౌంట్ ఉన్నదని వినడం ఇదే మొదటిసారని నితిన్ తెలిపారు. 2014-15 మధ్య తన పేరుపై అకౌంట్ ఓపెన్ అయినట్లు గుర్తించామని పేర్కొన్నారు. ఈ ఘటనలపై బేతూల్ ఎస్పీ సిద్ధార్ద చౌదరి స్పందించారు… దర్యాప్తు చేస్తున్నట్లు చెప్పారు.
