ఉమ్మడి ఖమ్మం జిల్లాలో టెట్(టీచర్ ఎలిజిబిలిటీ టెస్ట్) ఎగ్జామ్స్ ప్రశాంతంగా జరిగిగాయి. ఖమ్మం జిల్లాలో పేపర్–-1 ఎగ్జామ్ 54 సెంటర్లలో, పేపర్–2 ఎగ్జామ్ 45 సెంటర్లలో నిర్వహించారు. ఉదయం12,923 మందికి గాను 10,465 మంది అభ్యర్థులు ఎగ్జామ్ రాశారు. 2,458 మంది పేపర్–1 ఎగ్జామ్రాయలేదు. మధ్యాహ్నం 10,480 మందికి గాను 9,528 మంది ఎగ్జామ్రాశారు. 952 మంది ఆబ్సెంట్ అయ్యారు. ఎగ్జామ్సెంటర్లను జిల్లా కలెక్టర్ వి.పి.గౌతమ్, అడిషనల్ కలెక్టర్ డి.మధుసూధన్ నాయక్, జిల్లా అబ్జర్వర్ ఎస్.సత్యనారాయణ, డీఈఓ సోమశేఖరశర్మ తనిఖీ చేశారు. అలాగే భద్రాద్రికొత్తగూడెం జిల్లాలో పేపర్–--1 ఎగ్జామ్ 37 సెంటర్లలో, పేపర్–-2 ఎగ్జామ్ 29 సెంటర్లలో నిర్వహించారు.
ALSO READ: అక్క పుట్టిన రోజునే యాక్సిడెంట్.. చెల్లి మృతి
ఉదయం 8,717 మందికి గాను 7,307 మంది అభ్యర్థులు హాజరయ్యారు. 1,410 మంది ఎగ్జామ్రాయలేదు. మధ్యాహ్నం 6,661మందికి గాను 6,131 మంది ఎగ్జామ్రాశారు. 952 మంది ఆబ్సెంట్ అయ్యారు. జిల్లా కలెక్టర్ ప్రియాంక లక్ష్మీదేవిపల్లి కృష్ణవేణి కాలేజీలోని సెంటర్ను తనిఖీ చేశారు. పాల్వంచలోని సెంటర్లను ఎంఈఓ శ్రీరాంమూర్తి పరిశీలించారు. చాలా చోట్ల అభ్యర్థులు చంటి పిల్లలతో వచ్చారు. పిల్లలను సహాయకులకు ఇచ్చి ఎగ్జామ్ సెంటర్లోకి వెళ్లారు.
- వెలుగు, భద్రాచలం/పాల్వంచ రూరల్/ఖమ్మంటౌన్
