ఉప్పునుంతల, వెలుగు: మండల కేంద్రంలోని అచ్చంపేట రోడ్లో కొత్తగా ఏర్పాటు చేసిన వైన్ షాపును తొలగించాలని జడ్పీ హైస్కూల్ టీచర్లు, స్టూడెంట్స్ డిమాండ్ చేశారు. స్కూల్ దగ్గరలో వైన్ షాప్ ఏర్పాటు చేయడంతో స్కూల్ హెచ్ఎం, టీచర్లు ఇటీవల డీఈవోకు కంప్లైంట్ చేశారు.
మంగళవారం ఎక్సైజ్ ఆఫీసర్లు హైస్కూల్ కు వచ్చి టీచర్లు, స్టూడెంట్స్తో మాట్లాడి వివరాలు తెలుసుకున్నారు. షాప్ ఓనర్తో మాట్లాడి సమస్య పరిష్కరిస్తామని చెప్పారు. రోడ్లపై నిల్చోవడం, రోడ్లపై యూరిన్ చేయడం లాంటి వాటితో స్టూడెంట్స్ ఇబ్బంది పడుతున్నారని టీచర్లు పేర్కొన్నారు. సమస్యను పరిష్కరించాలని లేనిపక్షంలో ఆందోళన చేస్తామని విద్యార్థి సంఘాల నాయకులు హెచ్చరించారు. ఎక్సైజ్ సీఐ జనార్ధన్, ఎస్ఐ బాలవర్ధన్ రెడ్డి స్కూల్ను సందర్శించిన వారిలో ఉన్నారు.
