కాన్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌బెర్రా: రెండు రోజుల పింక్‌ బాల్‌ ప్రాక్టీస్‌ మ్యాచ్‌ కోసం వచ్చిన టీమిండియా గురువారం ఆస్ట్రేలియా ప్రధాని ఆంథోనీ అల్బనీస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను కలిసింది. ఈ మేరకు ఆస్ట్రేలియన్‌ పార్లమెంట్‌ హౌస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో క్రికెటర్లకు ప్రత్యేక విందు ఏర్పాటు చేశారు. ఈ సందర్భంగా అల్బనీస్‌ ఇండియన్‌ క్రికెటర్లతో సరదాగా ముచ్చటించారు. ప్రొటోకాల్‌ ప్రకారం కెప్టెన్‌ రోహిత్‌ శర్మ దగ్గరుండి తన సహచర క్రికెటర్లను పరిచయం చేశాడు. తొలి టెస్ట్‌ హీరోలు జస్ప్రీత్‌ బుమ్రా, విరాట్‌ కోహ్లీని ప్రధాని ప్రత్యేకంగా ప్రశంసించారు. ఈ కార్యక్రమానికి ముందు రోహిత్‌ ఆసీస్‌ పార్లమెంట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో కొద్దిసేపు ప్రసంగించాడు.
ఇరుదేశాల మధ్య ఉన్న ద్వైపాక్షిక సంబంధాలు, క్రికెట్‌ చరిత్రను హైలెట్‌ చేశాడు. ‘ఇండియా, ఆస్ట్రేలియా మధ్య క్రికెట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో పాటు చాలా అంశాల్లో మంచి సంబంధాలు ఉన్నాయి. చాలా ఏళ్లుగా మేం ఇక్కడ పర్యటిస్తున్నాం. ఆసీస్‌ కూడా ఇండియాకు వస్తోంది. ఇరుజట్ల మధ్య మంచి పోటీ క్రికెట్‌ ఉంటుంది. ఆసీస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో విభిన్న సంప్రదాయాలను మేం ఆస్వాదిస్తాం. అదే టైమ్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో ఆసీస్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో ఆడటం చాలా సవాళ్లతో కూడి ఉంటుంది. ఈసారి ఇక్కడికి రావడంతోనే శుభారంభం చేశాం. అదే జోష్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ను పర్యటన ఆసాంతం కొనసాగించేందుకు ప్రయత్నిస్తాం.
ఇక్కడి కల్చర్‌ అన్నా కూడా మాకు ఇష్టమే. అందుకే విభిన్న ప్రాంతాలకు వెళ్తుంటాం. మంచి ఆతిథ్యమిచ్చినందుకు ధన్యవాదాలు సర్‌. నాణ్యమైన క్రికెట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌తో మిమ్మల్ని సంతోషపెడతాం. ఇలాంటి గొప్ప ప్రదేశానికి మమ్మల్ని ఆహ్వానించినందుకు కృతజ్ఞతలు’ అని రోహిత్‌ వ్యాఖ్యానించాడు. జాక్‌ ఎడ్వర్డ్‌ నేతృత్వంలోని పీఎం ఎలెవన్‌ జట్టు కూడా ఈ కార్యక్రమంలో పాల్గొంది. గతేడాది అధికారిక పర్యటన కోసం ఇండియాకు వచ్చిన అల్బనీస్‌ అహ్మదాబాద్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో జరిగిన టెస్ట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌లో ప్రధాని మోదీతో కలిసి ఇండియన్‌ ప్లేయర్లు కలిశారు.
