బోర్డర్ గవాస్కర్ ట్రోఫీలో భాగంగా ఆడిలైడ్ వేదికగా జరిగిన పింక్ బాల్ టెస్ట్లో టీమిండియా ఓటమి పాలైంది. అతిథ్య ఆస్ట్రేలియా 10 వికెట్ల తేడాతో ఘన విజయం సాధించింది. 18 పరుగుల స్వల్ప లక్ష్యాన్ని ఆసీస్ ఓపెనర్లు 3.2 ఓవర్లలో సునాయసంగా ఛేదించి జట్టుకు అద్భుత విజయాన్ని అందించారు.
పింక్ బాల్ టెస్ట్ ఫస్ట్ ఇన్నింగ్స్లో విఫలమైన భారత బ్యాటర్లు.. సెకండ్ ఇన్నింగ్స్లోనూ చేతులేత్తేశారు. 128/5 ఓవర్ నైట్ స్కోర్తో మూడో రోజు ఆట ఆరంభించిన టీమిండియా.. 48 పరుగుల మాత్రమే చేసి చివరి ఐదు వికెట్లు కోల్పోయింది. ఆస్ట్రేలియా బౌలర్ల ధాటికి రెండో ఇన్సింగ్స్లో 175 పరుగులకే భారత్ ఆలౌట్ అయ్యింది. తెలంగాణ కుర్రాడు నితీష్ కుమార్ రెడ్డి 42 పరుగులతో టాప్ స్కోరర్గా నిలువగా.. ఓపెనర్లు యశస్వీ జైస్వాల్ 24, శుభమన్ గిల్ 28, రిషబ్ పంత్ 28 రన్స్ చేశారు.
ALSO READ | చేతులేత్తేసిన టీమిండియా.. పింక్ బాల్ టెస్ట్లో ఓటమి ఖరారు
కెప్టెన్ రోహిత్ శర్మ 6, విరాట్ కోహ్లీ 11, కేఎల్ 7 పరుగులు మాత్రమే చేసి మరోసారి తీవ్రంగా నిరాశ పర్చారు. మూడో రోజు ఆట ప్రారంభించిన పంత్, నితీష్ వెంట వెంటనే ఔట్ కావడంతో ఫస్ట్ సెషన్లోనే టీమిండియా చాప్టర్ క్లోజ్ అయ్యింది. నితీష్ రెడ్డి రాణించడంతో ఇన్నింగ్స్ ఓటమి నుండి భారత్ గట్టేక్కింది. ఆసీస్ కెప్టెన్ ప్యాట్ కమిన్స్ ఐదు వికెట్లతో టీమిండియా పతనాన్ని శాసించగా.. స్కాట్ బోలాండ్ 3, స్పీడస్టర్ స్టార్క్ 2 వికెట్లు తీశారు. ఫస్ట్ ఇన్సింగ్స్లో భారత 180 పరుగులు చేయగా.. ఆసీస్ 337 రన్స్ చేసింది.
తొలి ఇన్సింగ్స్లో ఆస్ట్రేలియాకు 157 పరుగుల అధిక్యం దక్కింది. సెకండ్ ఇన్నింగ్స్లో 175 పరుగులకు ఆలౌట్ కావడంతో భారత్కు 18 పరుగుల స్వల్ప అధిక్యం లభించింది. 19 పరుగుల టార్గెట్ బరిలోకి దిగిన ఆసీస్ 3.2 ఓవర్లలో లక్ష్యాన్ని ఛేదించి విజయం సాధించింది. ఐదు మ్యాచుల సిరీస్లో తొలి టెస్ట్ టీమిండియా విజయం సాధించగా.. సెకండ్ మ్యాచులో ఆసీస్ గెలుపొంది లెక్క సరి చేసింది.
