- రూ. 2.5 లక్షలు తీసుకుని పట్టా చేశాడని ఆరోపణలు
లింగంపేట, వెలుగు: సర్కార్(అసైన్మెంట్) భూములను పట్టాలు చేయవద్దని ప్రభుత్వ ఆదేశాలుండగా దానికి వ్యతిరేకంగా రెండెకరాల ప్రభుత్వ భూమిని లింగంపేట తహసీల్దార్ నరేందర్ పట్టా(రిజిస్ట్రేషన్) చేశారు. లింగంపేట మండలంలోని రాంపూర్ శివారులో సర్వే నంబర్16 లో 8 ఎకరాల సర్కార్ భూమి ఉంది. ఇందులో 2 ఎకరాల భూమిని భవానీపేట తండాకు చెందిన లంబాడీ చాంగీ పేరిట గతంలో రెవెన్యూ ఆఫీసర్లు అసైన్ చేశారు. సదరు అసైన్మెంట్ భూమిని చాంగీ హైదరాబాద్కు చెందిన పులిపాటి మమతకు విక్రయించారు. ఈ నెల 7న తహసీల్దార్లంబాడీ చాంగీ పేరిట ఉన్న రెండు ఎకరాల అసైన్మెంట్ భూమిని పులిపాటి మమత పేరిట పట్టా చేశారు. అసైన్మెంట్ భూమిని స్థానిక తహసీల్దార్ రూ.2.5 లక్షల ముడుపులు తీసుకుని రిజిస్ర్టేషన్ చేశాడని ఆరోపణలు వినిపిస్తున్నాయి.
పొరపాటు జరిగింది.. పట్టా రద్దు చేస్తా.. తహసీల్దార్
లింగంపేట మండలం రాంపూర్ శివారులోని రెండు ఎకరాల ప్రభుత్వ భూమిని పట్టా చేయడంపై స్థానిక తహసీల్దార్ నరేందర్ను ప్రశ్నించగా అసైన్మెంట్ భూమి అని ఆన్లైన్లో లేనందున పట్టా చేశానని , పొరపాటు జరిగిందన్నారు. జిల్లా కలెక్టర్కు లెటర్ పెట్టి పట్టాను రద్దు చేస్తానని చెప్పారు.
