డ్రగ్స్ నిర్మూలనకు ఇరు రాష్ట్రాలు సమన్వయంతో..
పనిచేయాలని నిర్ణయం: తెలంగాణ ఉపముఖ్యమంత్రి భట్టి
తెలుగుజాతి హర్షించే రోజు: ఏపీమంత్రి అనగాని సత్యప్రసాద్
విభజన చట్టంలోని సమస్యలను పరిష్కరించేందుకు రెండు రాష్ట్రాల సీఎస్ లతో ఒక కమిటి..మంత్రులతో మరో కమిటి ఏర్పాటు చేయాలని నిర్ణయం తీసుకున్నట్లు తెలంగాణ ఉపముఖ్యమంత్రి భట్టి విక్రమార్క తెలిపారు.ఈ సమావేశంలో అనేక సమస్యలను చర్చించామని తెలిపారు. ఉన్నతస్థాయి కమిటిలో ఇరు రాష్ట్రాల సీఎస్ లతో పాటు మరో ముగ్గురు అధికారులు ఉంటారని తెలిపారు. విభజన సమస్యలు పరిష్కారానికి రెండువారాల్లో అధికారుల స్థాయిలోని కమిటి సమావేశం అవుతుందన్నారు. పదేళ్లుగా పరిష్కారానికి నోచుకోని అంశాలపై చర్చించామన్నారు. . ఇక డ్రగ్స్ నిర్మూలనకు రెండు రాష్ట్రాలు సమన్వయంతో పనిచేయాలని నిర్ణయం తీసుకున్నట్లు తెలిపారు. నీళ్లు,నిధుల నియామకాల విషయంలో తెలంగాణకు న్యాయం జరిగేలా ఈ రోజు సీఎంల సమావేశం జరిగిందని మంత్రి శ్రీధర్ బాబు తెలిపారు.. విభజన చట్టంలోని అంశాలను పరిష్కరించేదిశగా కమిటీలు సమావేశాలు జరుగుతాయన్నారు.
ఏపీమంత్రి అనగాని సత్యప్రసాద్ మాట్లాడుతూ తెలుగుజాతి హర్షించే రోజని అన్నారు. చర్చల ద్వారానే సమస్యలు పరిష్కారమవుతాయన్నారు. తెలుగు రాష్ట్రాల ప్రజలు సంతోషంగా ఉండేందుకు ఈ కమిటీలు పనిచేస్తాయన్నారు. డ్రగ్స్ నిర్మూలను ఇరు రాష్ట్రాలు సమన్వయంతో పనిచేయాలని నిర్ణయం తీసుకోవడం చాలా మంచినిర్ణయయన్నారు. ఆంధ్రప్రదేశ్ లో పిల్లల స్కూళ్ల బ్యాగుల్లో కూడా గంజాయి దొరుకుతుందన్నారు.
