- తెలంగాణ, ఏపీ, మహారాష్ట్ర,
- కర్నాటక మీటింగ్లో ప్రతిపాదన
- నీళ్ల విడుదల టైమ్లో సమన్వయం లేక దిగువ ప్రాంతాల్లో ముంపు సమస్యలు
- విజయవాడ విపత్తు అలాంటిదేనన్న అధికారులు
- ప్రాజెక్టుల ఫ్లడ్ రూటింగ్పై ఐఐటీ హైదరాబాద్/రూర్కీతో స్టడీకి ప్రపోజల్
హైదరాబాద్, వెలుగు: విజయవాడ ముంపు లాంటి విపత్తులు భవిష్యత్తులో జరగకుండా కృష్ణా, గోదావరి బేసిన్లోని ప్రాజెక్టులను అన్ని రాష్ట్రాలు సమన్వయంతో ఆపరేట్ చేసుకోవాలని తెలంగాణ, ఏపీ, మహారాష్ట్ర, కర్నాటక సూత్రప్రాయంగా నిర్ణయించాయి. ఫ్లడ్డిశ్చార్జిపై రాష్ట్రాల మధ్య సరైన కోఆర్డినేషన్ లేకపోవడం, ఎగువ నుంచి ఒకేసారి తక్కువ టైమ్లో ఎక్కువ మొత్తంలో వరదవచ్చేస్తుండడంతో దిగువ ప్రాంతాల్లో ఏం చేయలేని పరిస్థితులు నెలకొంటున్నాయని అధికారులు అంటున్నారు.
ఈ నేపథ్యంలోనే అంతర్రాష్ట్ర డ్యామ్ ల ఆపరేషన్పై 4 రాష్ట్రాలకు చెందిన సీఈలతో కమిటీ వేయాలని ప్రతిపాదించారు. బుధవారం ఈ అంశంపై 4 రాష్ట్రాల అధికారులు, ఇద్దరు ఓయూ ప్రొఫెసర్లు, సీడబ్ల్యూసీ మెంబర్ కన్వీనర్ వీడియో కాన్ఫరెన్స్ ద్వారా సమావేశమయ్యారు. ఈ సందర్భంగా ఆయా రాష్ట్రాల్లోని ప్రాజెక్టుల గేట్ల ఆపరేషన్ ప్రొటోకాల్పై చర్చించారు.b ఆయా ప్రాజెక్టులకు సంబంధించి ఫ్లడ్రూటింగ్ పైస్టడీ చేయించాలని ప్రతిపాదించారు. ఐఐటీ హైదరాబాద్లేదా ఐఐటీ రూర్కీతో స్టడీ చేయించి రిపోర్ట్తయారు చేయాలని నిర్ణయించారు.
ఐదు అంశాల వారీగా స్టడీ..
ఐదు అంశాలపై ఐఐటీతో స్టడీ చేయించాలని అధికారులు ప్రతిపాదించారు. ఆటోమేటిక్వెదర్స్టేషన్స్, రాడార్, శాటిలైట్డేటా ఆధారంగా రియల్టైమ్ వర్షపాత వివరాలను వాడుకొని డేటా ఇంటిగ్రేషన్, ఎప్పటికప్పుడు డిజిటల్ఎలివేషన్మోడల్(కొండ ప్రాంతాల్లో నదీ వ్యవస్థలను తెలిపే వివరాలు) రికార్డులు, డ్యామ్ ల వరద రికార్డులను ఎప్పటికప్పుడు అప్డేట్చేయడం, నదుల్లో జల ప్రవాహాలకు సంబంధించి అధునాతన మోడల్స్తో అధ్యయనం చేయించాలని ప్రతిపాదించారు. రియల్టైమ్ టెలిమెట్రీ వ్యవస్థల ద్వారా వరదలను అంచనా వేసి నియంత్రించే వ్యవస్థలను ఏర్పాటు చేసుకోవాలని సూచించారు.
ALSO READ : సర్కార్పై రిటైర్మెంట్ల భారం!
రియల్టైమ్ మోడల్స్తో రిజర్వాయర్ల నుంచి నీటి విడుదలను ఆప్టిమైజ్చేసుకోవాలన్నారు. డ్యామ్ లు, బ్యారేజీలపై క్లైమేట్చేంజ్ప్రభావం ఎంత వరకు పడుతుందో అంచనా వేయాలని సూచించారు. కాగా, డ్యామ్ లను నింపుకోవడం, పూర్తిగా నిండాక ఒకేసారి వరదను వదలాల్సి వస్తే ఆయా డ్యామ్ ల ఫెయిల్యూర్వంటి అంశాలపై ఎగువ, దిగువన ఉన్న రాష్ట్రాలు ఎప్పటికప్పుడు చర్చించుకోవాలని.. ఏదైనా సమస్య వస్తే ముప్పును తప్పించేందుకు తీసుకోవాల్సిన చర్యలపై మాట్లాడుకోవాలని మీటింగ్లో పేర్కొన్నారు.
