![తెలంగాణ బడ్జెట్ 2024: హైదరాబాద్ అభివృద్ధికి పెద్దపీట.. రూ.10 వేల కోట్లు కేటాయింపు](https://static.v6velugu.com/uploads/2024/07/telangana-budget-2024-rs-10-thousand-crore-allocation-for-the-development-of-hyderabad_zwJEGMf2eK.jpg)
హైదరాబాద్ మహానగర అభివృద్ధికి కాంగ్రెస్ ప్రభుత్వం పెద్దపీట వేసింది. ఇందులో భాగంగా మ2024-25 ఆర్థిక సంవత్సరానికి గాను ప్రవేశపెట్టిన బడ్జెట్లో హైదరాబాద్ అభివృద్ధికి భారీగా నిధులను కేటాయించింది. ఈ సందర్భంగా బడ్జెట్ ప్రసంగంలో భట్టి విక్రమార్క మాట్లాడారు. దేశంలోని ప్రధాన నగరాలలో ఒకటెన హైదరాబాద్ అన్ని రంగాల్లో శరవేగంగా అభివృద్ధి చెందుతున్న చారిత్రాత్మక నగరమని అన్నారు.
ఇప్పటికే ఈ నగరం ఒక ఐకాన్గా గుర్తింపు పొందిందని.. ఈ నేపథ్యంలో ఈ బడ్టెట్లో హైదరాబాద్ నగర అభివృద్ధికి రూ.10 వేల కోట్లు కేటాయిస్తున్నట్లు ప్రకటించారు. ఇందులో మెట్రో వాటర్ వర్క్స్, ఔటర్ రింగ్, మూసీ రివర్ ఫ్రంట్ ప్రక్షాళన వంటివి ఉన్నాయి. అంతే కాకుండా జీహెచ్ఎంసీలో మౌలిక వసతుల కల్పనకు ప్రత్యేకంగా3,065 కోట్లు , హెచ్ఎండీలో మౌలిక వసతులకు మరో 500 కోట్లు కేటాయించినట్లు తెలిపారు. ప్రపంచ స్థాయిలో హైదారాబాద్ నగర ఖ్యాతిని విశ్వవ్యాప్తం చేసేందుకు సర్కార్ నడుం బింగించిందన్నారు భట్టి విక్రమార్క.