ఎన్నికల సమయంలో ఇచ్చిన హామీలను నెరవేర్చేందుకు తెలంగాణ కేబినెట్ పలు నిర్ణయాలు తీసుకుంది. ఆదివారం (ఫిబ్రవరి 4) సుమారు నాలుగు గంటలపాటు జరిగిన భేటీ.. సీఎం రేవంత్ రెడ్డి అధ్యక్షతన జరిగింది. ఈ సమావేశంలో ప్రభుత్వం పలు కీలక నిర్ణయాలు తీసుకుంది. ప్రస్తుతం వాహనాల నంబర్‌ ప్లేట్లపై TS ఉండగా, ఇక నుంచి TGగా మారుస్తూ కేబినెట్ నిర్ణయించింది.
కేబినెట్ సమావేశంలో కీలక నిర్ణయాలు
- 200 యూనిట్ల ఉచిత కరెంట్ పథకానికి కేబినెట్ ఆమోదం
- 500 రూపాయలకే గ్యాస్ సిలిండర్ పథకానికి ఆమోదం
- ప్రస్తుతం వాహనాల నంబర్‌ ప్లేట్లపై TS ఉండగా, ఇక నుంచి TGగా మారుస్తూ కేబినెట్ నిర్ణయం
- ఫిబ్రవరి 8 నుంచి అసెంబ్లీ సమావేశాలు నిర్వహించాలని కేబినెట్ నిర్ణయం
- తెలంగాణ తల్లి విగ్రహ రూపంలో మార్పులు
- రాష్ట్ర అధికారిక చిహ్నాన్ని మార్చాలని కేబినెట్ నిర్ణయం
- రాష్ట్ర గేయంగా జయజయహే తెలంగాణ కు కేబినెట్ ఆమోదం
- గ్రూప్ 1 లో 160 పోస్టులు కలిపి రీ నోటిఫికేషన్ కు గ్రీన్ సిగ్నల్
- కులగణనకు తెలంగాణ కేబినెట్ ఆమోదం
- అసెంబ్లీలో గవర్నర్ ప్రసంగానికి ఆమోదం
- కాంగ్రె స్ ప్రభుత్వం ఇచ్చిన హామీలలో మరో రెండు గ్యారంటీల అమలుపై అసెంబ్లీలో ప్రకటన చేయనున్న ప్రభుత్వం
