- ఎల్లూరు పంప్ హౌస్ వద్ద స్విచ్చాన్ చేయనున్న కేసీఆర్
- అనంతరం కొల్లాపూర్ పట్టణంలో బహిరంగ సభ
హైదరాబాద్/నాగర్కర్నూల్, వెలుగు: పాలమూరు–రంగారెడ్డి లిఫ్ట్ స్కీమ్ను సీఎం కేసీఆర్ శనివారం ప్రారంభించి జాతికి అంకితం చేయనున్నారు. ఉదయం 11 గంటలకు ప్రగతి భవన్ నుంచి సీఎం రోడ్డు మార్గాన నాగర్కర్నూల్కు బయల్దేరుతారు. మార్గమధ్యలో మధ్యాహ్నం ఒకటిన్నరకు నాగర్కర్నూల్లోని తేజ గార్డెన్స్కు చేరుకుంటారు. అక్కడ లంచ్చేసి మధ్యాహ్నం 2:30 గంటలకు నార్లాపూర్ రిజర్వాయర్ సమీపలోని కంట్రోల్రూమ్కు చేరుకుంటారు. 3:30 గంటలకు మోటారును స్విచ్ఆన్చేసి ప్రాజెక్టును ప్రారంభిస్తారు. 4 గంటలకు నార్లాపూర్రిజర్వాయర్వద్దకు చేరుకుని కృష్ణా జలాలకు ప్రత్యేక పూజలు చేస్తారు.
4:45 గంటలకు కొల్లాపూర్ఎమ్మెల్యే బీరం హర్షవర్ధన్రెడ్డి ఇంటికి చేరుకుని కాసేపు అక్కడే ఉంటారు. 5గంటలకు కొల్లాపూర్లోని సింగోటం చౌరస్తాలో నిర్వహించే బహిరంగ సభలో పాల్గొని ప్రసంగిస్తారు. సభ అనంతరం రోడ్డు మార్గంలో ప్రగతి భవన్కు బయల్దేరుతారు. శ్రీశైలం ఫోర్షోర్ నుంచి 1.22 కిలోమీటర్ల వరకు అప్రోచ్చానల్ ద్వారా ఎల్లూరు పంపుహౌస్హెడ్రెగ్యులేటర్కు నీళ్లు చేరుతాయి. అక్కడి నుంచి సర్జ్పూల్లోకి నీళ్లు వస్తాయి. పంపుహౌస్ దిగువన డ్రాఫ్ట్ ట్యూబ్ ద్వారా పంపులోకి నీళ్లు చేరుతాయి.
145 మెగావాట్ల కెపాసిటీ గల మోటారును స్విచ్ఆన్చేసి, 104 మీటర్ల ఎత్తుకు నీళ్లు లిఫ్ట్చేసి నార్లాపూర్ రిజర్వాయర్లో పోస్తారు. ఈ ప్రాజెక్టు నుంచి ఎత్తిపోసే నీళ్లతో ఉమ్మడి మహబూబ్నగర్ జిల్లాలోని ప్రతి ఊర్లో గ్రామ దేవతలకు 17న జలాభిషేకం చేస్తారు. సభ ఏర్పాట్లను మంత్రులు నిరంజన్రెడ్డి, శ్రీనివాస్గౌడ్, ప్రభుత్వ విప్ గువ్వల బాలరాజు, కొల్లాపూర్ ఎమ్మెల్యే బీరం హర్షవర్ధన్రెడ్డి తదితరులు పర్యవేక్షిస్తున్నారు. ప్రాజెక్టు వద్ద పనులను లిఫ్ట్ ఇరిగేషన్ సలహాదారు పెంటారెడ్డి, సీఈ హమీద్ ఖాన్ తదితరులు చూస్తున్నారు.
ALSO READ: ఇయ్యాల(సెప్టెంబర్ 16) హైదరాబాద్కు అమిత్ షా
జన సమీకరణ బాధ్యత అధికారులకే..
ఇది ప్రభుత్వం నిర్వహిస్తున్న అధికారిక కార్యక్రమం కావడంతో సీఎం బహిరంగ సభకు జన సమీకరణ బాధ్యతను వివిధ శాఖల అధికారులకు అప్పగించారు.
