- స్పోర్ట్స్ విలేజ్గా గచ్చిబౌలి: సీఎం రేవంత్రెడ్డి
- ఒలింపిక్స్ స్థాయికి హైదరాబాద్ స్టేడియాలు అప్ గ్రేడ్ చేస్తం
- 2028లో ఒలింపిక్స్ మెడల్స్ గెలవడమే లక్ష్యంగా ప్రణాళిక
- రాష్ట్రంలో క్రీడలకు పూర్వవైభవం తెస్తామని వెల్లడి
- హైదరాబాద్ మారథాన్ ముగింపు కార్యక్రమానికి హాజరు
హైదరాబాద్/గచ్చిబౌలి, వెలుగు: వచ్చే అకడమిక్ ఇయర్లోనే యంగ్ ఇండియా స్పోర్ట్స్ యూనివర్సిటీ ప్రారంభించనున్నట్టు సీఎం రేవంత్రెడ్డి తెలిపారు. ఇందుకు దక్షిణ కొరియా స్పోర్ట్స్ వర్సిటీ సహకారం తీసుకుంటున్నట్టు చెప్పారు. గచ్చిబౌలిని స్పోర్ట్స్ విలేజ్గా తీర్చిదిద్దుతామని చెప్పారు. 2028 ఒలింపిక్స్లో తెలంగాణ నుంచి అత్యధిక మెడల్స్ సాధించే లక్ష్యంతో ముందుకు సాగుతున్నట్టు తెలిపారు. 2036 లో ఒలింపిక్స్ నిర్వహణ అవకాశం ఇండియాకు దక్కితే.. హైదరాబాద్ నగరంలోనే క్రీడలు నిర్వహించే ప్రధాన వేదిక ఉంచేలా ప్రయత్నాలు చేస్తున్నట్టు చెప్పారు. ఈ మేరకు ప్రధాని మోదీని అభ్యర్థించినట్టు తెలిపారు.
హైదరాబాద్ రన్నర్స్ సొసైటీ ఆధ్వర్యంలో ఆదివారం నగరంలో ఎన్ఎండీసీ హైదరాబాద్ మారథాన్ నిర్వహించారు. ఈ మారథాన్ నగరంలోని పీపుల్స్ ప్లాజా వద్ద ఫుల్ మారథాన్(42 కిలోమీటర్లు), హాఫ్ మారథాన్(21 కిలోమీటర్లు) ప్రారంభమై.. నగరంలోని వివిధ ప్రాంతాల మీదుగా గచ్చిబౌలి జీఎంసీ బాలయోగి స్టేడియం వద్ద, 10కే రన్ హైటెక్స్లో ప్రారంభమై.. గచ్చిబౌలి స్టేడియంలో ముగిసింది. ఈ ముగింపు కార్యక్రమానికి సీఎం రేవంత్రెడ్డి ముఖ్య అతిథిగా హాజరయ్యారు. మారథాన్లో విజేతలుగా నిలిచిన వారికి బహుమతులను అందజేశారు. ఈ సందర్భంగా రేవంత్ మాట్లాడుతూ.. రాష్ట్రాన్ని క్రీడలు, క్రీడల నిర్వహణకు కేరాఫ్అడ్రస్గా తీర్చిదిద్దుతున్నామని స్పష్టం చేశారు. హైదరాబాద్లోని స్టేడియాలను ఒలింపిక్స్ స్థాయికి అప్గ్రేడ్ చేస్తున్నామని, రాష్ట్రవ్యాప్తంగా అన్ని క్రీడా ప్రాంగణాల్లో సౌలతులను మెరుగుపరుస్తున్నామని చెప్పారు. రాబోయే ఖేలో ఇండియా యువ క్రీడల నిర్వహణకు తెలంగాణకు అవకాశం ఇవ్వాలని కేంద్ర మంత్రిని కలిసి, విన్నవించామని చెప్పారు.
Also Read:-తెలంగాణను డ్రగ్స్ రహిత రాష్ట్రంగా మారుస్తం
దేశంలో ఏ క్రీడలు జరిగినా హైదరాబాద్ కేంద్రంగా నిర్వహించేలా చర్యలు తీసుకుంటున్నామని తెలిపారు. క్రీడల్లో అంతర్జాతీయ ఖ్యాతి గడించాల్సిన హైదరాబాద్ నగరం గత బీఆర్ఎస్ ప్రభుత్వ నిర్లక్ష్యం కారణంగా ప్రాధాన్యత కోల్పోయిందని చెప్పారు. తెలంగాణ యువతను క్రీడలవైపు మళ్లించేందుకు ప్రయత్నిస్తున్నామని, రాష్ట్రంలో క్రీడలకు పూర్వ వైభవం తీసుకువచ్చే బాధ్యత తమ ప్రభుత్వం తీసుకుందని సీఎం తెలిపారు. ఈ కార్యక్రమంలో ఐటీ శాఖ మంత్రి శ్రీధర్బాబు, మాజీ ఎంపీ హనుమంతరావు, శాట్ చైర్మన్ శివసేనారెడ్డి, సైబరాబాద్ సీపీ అవినాశ్మహంతి, ట్రాఫిక్ జాయింట్సీపీ జోయల్డేవిస్, మాదాపూర్డీసీపీ వినీత్, బాక్సర్ నిఖత్ జరీన్, మారథాన్ ప్రతినిధులు పాల్గొన్నారు.
ఉత్సాహంగా మారథాన్..
హైదరాబాద్ రన్నర్స్సొసైటీ ఆధ్వర్యంలో నిర్వహించిన 13వ ఎడిషన్ ఎన్ఎండీసీ హైదరాబాద్ మారథాన్ ఆదివారం ఉదయం నెక్లెస్ రోడ్డులోని పీపుల్స్ ప్లాజాలో ప్రారంభమైంది. పీపుల్స్ ప్లాజా నుంచి ఫుల్ మారథాన్, హాఫ్ మారథాన్, హైటెక్స్ వేదిక నుంచి 10కే రన్ ప్రారంభమై.. నగరంలోని వివిధ ప్రాంతాల మీదుగా గచ్చిబౌలిలోని జీఎంసీ బాలయోగి స్టేడియం వరకు సాగింది. ఈ రన్లో నగరంతోపాటు ఇతర రాష్ట్రాలకు చెందిన 25వేల మంది రన్నర్స్ఉత్సాహంగా పాల్గొన్నారు. సాఫ్ట్వేర్, ప్రభుత్వ ఉద్యోగులు, వృద్ధులు, చిన్నారులు, స్టూడెంట్స్, స్వచ్ఛంద సంస్థల ప్రతినిధులు పార్టిసిపేట్ చేశారు. ఈ మారథాన్ ద్వారా 80 లక్షల చారిటీ అమౌంట్ రైజ్ అయినట్టు నిర్వాహకులు తెలిపారు.
