మహిళల అండర్ 19 టీ20 ప్రపంచకప్ చరిత్రలో తొలి సెంచరీ నమోదు చేసిన భారత మహిళా క్రికెటర్, తెలంగాణ బిడ్డ గొంగడి త్రిష(110)ని రాష్ట్ర ముఖ్యమంత్రి రేవంత్ రెడ్డి ప్రశంసల్లో ముంచెత్తారు. ప్రపంచ వేదికపై సత్తా చాటిన తెలంగాణ బిడ్డకు హృదయపూర్వక అభినందనలు తెలిపారు. మున్ముందు మరింత ఉన్నతంగా రాణించి, తెలంగాణ క్రీడాకారులకు ఆదర్శప్రాయంగా నిలవాలని ఆకాంక్షిస్తున్నట్లు కోరారు.
త్రిష లాంటి మరింత మందిని మెరికల్లాంటి క్రీడాకారులుగా తయారు చేసేందుకు కాంగ్రెస్ ప్రభుత్వం చేస్తున్న కృషిని రేవంత్ రెడ్డి వివరించారు. అందుకు యంగ్ ఇండియా స్పోర్ట్స్ వర్సిటీ ఏర్పాటును ఉదాహరణగా చూపారు. క్రీడల ప్రోత్సాహానికి కాంగ్రెస్ ప్రభుత్వం కల్పిస్తున్న అవకాశాలను సద్వినియోగం చేసుకొని, త్రిషలాంటి క్రీడాకారిణిల స్ఫూర్తితో, తెలంగాణ యువత అంతర్జాతీయ స్థాయిలో అద్భుతంగా రాణించాలని పిలుపునిస్తున్నట్లు ముఖ్యమంత్రి తెలిపారు.
శభాష్ తెలంగాణ బిడ్డ!
— Revanth Reddy (@revanth_anumula) January 28, 2025
మహిళల U19 టీ20 వరల్డ్ కప్ చరిత్రలోనే.. మొట్టమొదటి సెంచరీ సాధించిన క్రీడాకారిణిగా నిలిచి, ప్రపంచ వేదికపై మన దేశ సత్తా చాటిన తెలంగాణ బిడ్డ గొంగడి త్రిషకు నా హృదయపూర్వక అభినందనలు.
భద్రాద్రి - కొత్తగూడెం జిల్లా, భద్రాచలంకు చెందిన త్రిష.. భారత జట్టు విజయంలో… pic.twitter.com/GcmGhf5uDf
మహిళల టీ20 ప్రపంచకప్ చరిత్రలో తొలి శతకం..
భద్రాద్రి - కొత్తగూడెం జిల్లా, భద్రాచలంకు చెందిన త్రిష.. అండర్ 19 మహిళల టీ20 ప్రపంచకప్ చరిత్రలో సెంచరీ చేసిన తొలి బ్యాటర్‌గా రికార్డుల్లోకెక్కింది. కౌలాలంపూర్‌లోని బయుమాస్ ఓవల్‌ వేదికగా మంగళవారం(జనవరి 28) స్కాట్లాండ్‌తో జరిగిన మ్యాచ్‌లో త్రిష ఈ ఘనత సాధించింది. 53 బంతుల్లో వంద మార్క్ చేరుకున్న త్రిష.. మొత్తంగా 59 బంతుల్లో 13 ఫోర్లు, 4 సిక్స్‌ల సాయంతో 110 పరుగులు చేసింది. అండర్ 19 మహిళల టీ20 ప్రపంచకప్ చరిత్రలో ఇంతవరకు ఎవరూ సెంచరీ చేయలేదు. భారత క్రికెటర్‌దే తొలి శతకం.
Trisha Gongadi etches her name in the record books with the first-ever century in Women's #U19WorldCup history 🤩
— ICC (@ICC) January 28, 2025
➡️ https://t.co/1s19nAR2sR pic.twitter.com/YgGgtVVcJP
