నెట్వర్క్వెలుగు : తెలంగాణ కాంగ్రెస్ ప్రభుత్వం ఆదివారం పథకాల పండుగ ప్రారంభించింది. ఉమ్మడి వరంగల్ జిల్లా వ్యాప్తంగా ఇందిరమ్మ ఇండ్లు, ఇందిరమ్మ ఆత్మీయ భరోసా, ఇందిరమ్మ రైతు భరోసా, కొత్త రేషన్ కార్డుల పత్రాలను లబ్ధిదారులకు అందజేయడంతో సంబురంగా చిందులు వేశారు. మహబూబాబాద్ జిల్లా కేసముద్రం మండలం గాంధీనగర్లో మహబూబాబాద్ ఎమ్మెల్యే మురళీనాయక్, సీఎం సలహాదారు వేం నరేందర్రెడ్డి, ఎంపీ బల్రాం నాయక్, కలెక్టర్ అద్వైత్ సింగ్ పాల్గొని నాలుగు పథకాలకు సంబంధించిన లబ్ధిదారులకు పత్రాలను అందజేశారు. నర్సింహులపేట మండలం వంతడపలలో లబ్ధిదారులకు పత్రాలను అందజేస్తున్న ప్రభుత్వ విప్, డోర్నకల్ఎమ్మెల్యే రాంచంద్రు నాయక్, హనుమకొండ జిల్లా ఎల్కతుర్తి మండలం వీరనారాయణపూర్ ను పైలట్ ప్రాజెక్టు గా ఎంపిక చేయగా కుడా చైర్మన్ ఇనుగాల వెంకట్రామిరెడ్డి సంక్షేమ పథకాలను ప్రారంభించారు.
వరంగల్ జిల్లా రాయపర్తి మండలం మహబూబ్నగర్లో మంజూరు పత్రం అందిస్తున్న ఎమ్మెల్యే యశస్వినిరెడ్డి, జనగామ జిల్లా స్టేషన్ఘన్పూర్ మండలం తానేదార్పల్లిలో ఎమ్మెల్యే కడియం శ్రీహరి, జయశకంర్ భూపాలపల్లి జిల్లా మొగుళ్లపల్లి మండలం అంకుషాపురం హనుమకొండ జిల్లా శాయంపేట మండలం గట్లకానిపర్తిలో భూపాలపల్లి ఎమ్మెల్యే గండ్ర సత్యనారాయణరావు లబ్ధిదారులకు మంజూరు పత్రాలు పంపిణీ చేశారు. -
