హైదరాబాద్: ఫేక్ ప్రచారాలు చేయడంలో కేటీఆర్ దిట్ట అని, గోబెల్స్ ను మించి పోయారని టీకాంగ్రెస్ ట్విట్టర్ వేదికగా స్పందించింది. సుప్రీంకోర్టు తీర్పుపై కేటీఆర్ ‘సత్యమేవజయతే’ అంటూ స్పందించిన విషయం తెలిసిందే. దీనికి టీ కాంగ్రెస్ కౌంటర్ ఇచ్చింది. ‘ కేటీఆర్ గారూ..ఫేక్ ప్రచారాలు చేయడంలో మీరు గొబెల్ ను మించి పోయారు.
ఆ విషయంలో మీరు…“ఒక వర్గానికి” ఇన్స్పిరేషన్!సుప్రీం తీర్పులో అసలు విషయాన్ని ఉద్దేశపూర్వకంగా దాచేశారు. మీరు “దోచేసిన” దానిపై విచారణ ఖాయం అన్న విషయాన్ని వదిలేసి.“అర బుర్ర” అని, మిమ్మల్ని ట్రోల్ చేసే వారి, అభిప్రాయాన్ని నిజం చేస్తున్నారు! విద్యుత్ కొనుగోలు ఒప్పందాలు, విద్యుత్ ప్లాంట్ల నిర్మాణంలో అక్రమాలపై విచారణకు సుప్రీం కోర్టు గ్రీన్ సిగ్నల్ ఇచ్చింది…
ఆ విషయాన్ని దాచేస్తే ఎట్లా!! విచారణ ఆగదు. నిజం నిగ్గు తేలకుండా ఉండదు.’ అని పేర్కొంది.
