తెలంగాణ వ్యాప్తంగా దశాబ్ధి ఉత్సవాలు ప్రారంభమయ్యాయి. హైదరాబాద్ గన్ పార్క్ లోని అమరుల స్థూపం దగ్గర నివాళులర్పించారు సీఎం రేవంత్ రెడ్డి. ఆయనతో పాటు మంత్రులు,పలువురు ఎమ్మెల్యేలు కాంగ్రెస్ ముఖ్య నేతలు నివాళి అర్పించారు. అక్కడి నుంచి నేరుగా పరేడ్ గ్రౌండ్స్ కు బయల్దేరారు సీఎం. అక్కడ 20 నిమిషాలపాటు కొనసాగనున్న పోలీసుల పరేడ్ ను వీక్షిస్తారు. ఆ తర్వాత 10గంటల 35 నిమిషాలకు రాష్ట్రగీతాన్ని జాతికి అంకితం చేస్తారు. 10గంటల 43 నిమిషాలకు ముఖ్యమంత్రి ప్రసంగిస్తారు. ఆ తర్వాత అవార్డుల ఫంక్షన్ ఉంటుంది.
సాయంత్రం ట్యాంక్ బండ్ దగ్గర జరిగే వేడుకలుకు హాజరుకానున్నారు సీఎం రేవంత్ రెడ్డి. 6గంటల 30 నిమిషాలకు ట్యాంక్ బండ్ చేరుకోనున్న ముఖ్యమంత్రి. సంస్కృతిక కార్యక్రమాలను వీక్షిస్తారు. తర్వాత జయజయహే తెలంగాణ ఫుల్ సాంగ్ తో ఫ్లాగ్ మార్చ్ నిర్వహిస్తారు. ట్యాంక్ బండ్ పైనే అందెశ్రీ, కీరవాణికి సన్మానం చేస్తారు. మొత్తం 2 గంటల పాటు ట్యాంక్ బండ్ కార్యక్రమంలో సీఎం పాల్గొంటారని ఐ అండ్ పీఆర్ కమిషనర్ హన్మంత రావు తెలిపారు.
