కామారెడ్డి, వెలుగు: ఉమ్మడి నిజామాబాద్ జిల్లాలో సీనియర్నేతగా, ప్రభుత్వంలోనూ పలు కీలక పదవుల్లో చక్రం తిప్పిన అసెంబ్లీ స్పీకర్పోచారం శ్రీనివాస్రెడ్డి, ఈ ఎన్నికల్లోనూ బీఆర్ఎస్తరఫున బాన్సువాడ నుంచి బరిలో నిలవబోతున్నారు. ఈయనకు ప్రత్యర్థులుగా ప్రతిపక్షాల నుంచి ఎవరు బరిలో నిలుస్తారనే చర్చ జరుగుతోంది. వరుస విజయాలతో దూసుకెళ్తున్న శ్రీనివాస్రెడ్డిని ఎదుర్కొనేందుకు బలమైన అభ్యర్థిని బరిలో నిలిపి, బాన్సువాడ సీటును తమ ఖాతాలో వేసుకోవాలని బీజేపీ, కాంగ్రెస్భావిస్తున్నాయి. అయితే ఈ రెండు పార్టీల తరఫున ఎవరు బరిలో ఉండబోతున్నరనేది ఇంకా స్పష్టం కాలేదు. కాంగ్రెస్నుంచి బాన్సువాడలో పోటీకి సై అంటూ ఏకంగా 16 మంది గాంధీభవన్కు అర్జీలు పెట్టుకున్నారు.
పోచారం సిక్సర్..
1952 నుంచి 2018 వరకు జరిగిన అసెంబ్లీ ఎన్నికల్లో బాన్సువాడలో కాంగ్రెస్7 సార్లు, టీడీపీ 6 సార్లు, 2011లో జరిగిన ఉప ఎన్నికను కలుపుకొని బీఆర్ఎస్3 సార్లు విన్నయింది. పోచారం శ్రీనివాస్రెడ్డి టీడీపీ నుంచి 3 సార్లు, బీఆర్ఎస్నుంచి 3 సార్లు మొత్తంగా 6సార్లు విజయం సాధించారు. 1994,1999లో టీడీపీ తరఫున గెలిచిన స్పీకర్, 2004లో కాంగ్రెస్అభ్యర్థి బాజిరెడ్డి గోవర్ధన్చేతిలో పరాజయం పాలయ్యారు. మళ్లీ 2009లో టీడీపీ నుంచి ఎమ్మెల్యేగా గెలుపొందారు.
ప్రత్యేక రాష్ట్ర ఉద్యమ సమయంలో టీడీపీకి, ఎమ్మెల్యే పదవికి రాజీనామా చేసి బీఆర్ఎస్లో చేరారు. ఎమ్మెల్యే పదవికి రాజీనామా చేయడంతో 2011 జరిగిన ఉపఎన్నికలో, ఆ తర్వాత జరిగిన 2014,2018 ఎన్నికల్లోనూ బీఆర్ఎస్ నుంచి విజయం సాధించారు. మొదటి తెలంగాణ క్యాబినెట్లో వ్యవసాయ మంత్రిగా, ప్రస్తుతం అసెంబ్లీ స్పీకర్గా కొనసాగుతున్నారు. వచ్చే ఎన్నికల్లో తన వారుసుడిగా కొడుకుని బరిలో నిలపాలని పోచారం ముమ్మర ప్రయత్నాలు చేయగా, సిట్టింగులకే సీట్లు కేటాయించడంతో తిరిగి ఆయనే పోటీ చేయనున్నారు.
పాగా వేయలాని కమల దళం ప్రయత్నాలు
బాన్సువాడలో గెలిచి సత్తా చాటాలని బీజేపీ భావిస్తోంది. ఇక్కడి నుంచి ప్రస్తుతం మల్యాద్రిరెడ్డి టికెట్ ఆశిస్తున్నారు.కాంగ్రెస్లో కొనసాగిన ఈయన 2 ఏండ్ల కింద బీజేపీలో చేరారు. నియోజకవర్గంలో విస్తృతంగా పర్యటిస్తున్నారు. తనకే టికెట్వస్తోందని నమ్మకంతో ఉన్నారు.
తమ ఖాతాలో వేసుకోవాలని..
ఒకప్పుడు కంచుకోటగా ఉన్న బాన్సువాడను మళ్లీ తమ ఖాతాలో వేసుకోవాలని కాంగ్రెస్ ఉవ్విళ్లూరుతోంది. 1952 నుంచి 1983 వరకు జరిగిన అసెంబ్లీ ఎన్నికల్లో వరుసగా 6 సార్లు, 2004 లో ఒకసారి కాంగ్రెస్ఇక్కడ విజయం సాధించింది. ఆ తర్వాత వరుసగా ఓటమిని చవిచూసింది. ఇక్కడ పార్టీకి మంచి ఓటు బ్యాంకు ఉంది. 2014లో 41,938 ఓట్లు, 2018లో 59,458 ఓట్లు వచ్చాయి. ఈ రెండు సార్లు కాసుల బాలరాజు కాంగ్రెస్నుంచి పోటీ చేసి ఓడిపోయారు.
ఈయన ఈ సారి మళ్లీ టికెట్ కోసం ప్రయత్నిస్తున్నారు. బీసీ సామాజికవర్గానికి చెందిన వ్యక్తి కావడం, తన సామాజిక వర్గానికి ఓట్లు ఎక్కువగా ఉన్న దృష్ట్యా తనకే మళ్లీ టికెట్వస్తుందని ఆశతో ఉన్నారు. 2011లో ఉప ఎన్నికల్లో కాంగ్రెస్నుంచి పోటీ చేసి పోచారం మీద ఓడిపోయిన శ్రీనివాస్గౌడ్కూడా టికెట్కోసం ట్రై చేస్తున్నారు. పార్టీలో వివిధ పదవులు నిర్వహించిన మిగతా 14 మంది లీడర్లు సైతం టికెట్ఆశిస్తున్నారు.
