రేగోడ్, వెలుగు : ట్రాన్స్ఫార్మర్పాడైపోయిందని లైన్మెన్కు ఫిర్యాదు చేస్తే డబ్బులు డిమాండ్చేస్తున్నాడని ఆరోపిస్తూ గురువారం రేగోడ్మండల పరిధిలోని మర్పల్లి గ్రామస్తులు విద్యుత్సబ్స్టేషన్ను ముట్టడించారు. ఈ సందర్భంగా పలువురు రైతులు మాట్లాడుతూ..మర్పల్లి గ్రామ శివారులో 18 మంది రైతులకు చెందిన 30 ఎకరాల సాగు భూమి ఉండగా ఒకే ట్రాన్స్ఫార్మర్ఉందన్నారు.
అది కాస్త పాడైపోవడంతో మోటార్లు నడవక నీళ్లు రాక ఉల్లి, జొన్న, కూరగాయల పంటలకు ఇబ్బంది కలుగుతోందన్నారు. దీని గురించి లైన్మెన్కిషన్ నాయక్ కు చెప్పినా పట్టించుకోవడం లేదని రైతులు వాపోయారు. వెంటనే లైన్మెన్ను సస్పెండ్ చేయాలని నినాదాలు చేశారు.
రేగోడ్ పోలీసులు, విద్యుత్ అధికారి సంఘటన స్థలానికి చేరుకొని మరో ట్రాన్స్ ఫార్మర్ ఏర్పాటు చేసి సమస్యలను పరిష్కరిస్తామని హామీ ఇవ్వడంతో ఆందోళన విరమించారు.
