- మౌలిక వసతులకే బడ్జెట్లో రూ.250 కోట్లు.. ప్రమోషన్లకు రూ.156 కోట్ల నిధులు
- టైర్ 2, 3 సిటీల్లో మెరుగైన వసతుల కోసం చర్యలు
హైదరాబాద్, వెలుగు: రాష్ట్రంలో ఐటీ అభివృద్ధిపై సర్కార్ ఫోకస్ పెట్టింది. ఐటీ మౌలిక వసతుల కల్పనకే ప్రాధాన్యం ఇచ్చేలా చర్యలు చేపట్టనున్నది. దీంతోపాటు ఐటీ ప్రమోషన్స్నూ పెద్ద ఎత్తున నిర్వహించాలని నిర్ణయించింది. ఇందులో భాగంగానే ఐటీ ప్రమోషన్స్ కార్యక్రమాలకు భారీగా నిధులను కేటాయించింది. శాఖకు ఇటీవలి బడ్జెట్లో రూ.774 కోట్లు కేటాయించిన సర్కారు.. అందులో మౌలిక వసతుల కల్పనకు పెద్దపీట వేస్తూ రూ.250 కోట్లకుపైగా నిధులు ఇచ్చింది.
ఇటు ఐటీ ప్రమోషన్ల కోసం రూ.156 కోట్లు కేటాయించడం విశేషం. మౌలిక వసతుల కల్పనలో భాగంగా సెక్రటేరియెట్క్యాంపస్ ఏరియా నెట్వర్క్ (స్కాన్)కు హార్డ్వేర్, సాఫ్ట్వేర్ల అప్గ్రేడేషన్, మణికొండలోని స్టేట్ డేటా సెంటర్తోపాటు సెక్యూరిటీ ఆపరేషన్స్సెంటర్ మెయింటెనెన్స్కు ప్రాధాన్యం ఇవ్వనున్నది. టైర్– 2, టైర్– 3 సిటీస్లోని ఐటీ పార్క్స్కు మెరుగైన రోడ్లు, నీరు, విద్యుత్ సౌకర్యాలు అందించేందుకు రూ.100 కోట్ల దాకా ఖర్చు చేయనున్నట్టు తెలుస్తున్నది.
తెలంగాణ ఇండస్ట్రియల్ఇన్ఫ్రాస్ట్రక్చర్కార్పొరేషన్(టీజీఐఐసీ) మౌలిక వసతుల కల్పన బాధ్యతను చేపట్టనున్నట్టు తెలిసింది. అందులో భాగంగా వరంగల్ ఐటీ టవర్ ఫేజ్–2ను చేపట్టడంతోపాటు అసంపూర్తిగా మిగిలిన కరీంనగర్, ఖమ్మం, నిజామాబాద్, సిద్దిపేట, నల్గొండల్లోని ఐటీ పార్క్లను పూర్తిస్థాయిలో అభివృద్ధి చేస్తారని చెప్తున్నారు.
మరింత మెరుగ్గా నెట్ సేవలు
రాష్ట్రంలో ఇంటర్నెట్ సేవలను మరింత మెరుగ్గా అందించేందుకు సర్కారు కసరత్తు చేస్తున్నది. మారుమూల ప్రాంతాలకూ నెట్సేవలు అందేలా ఫైబర్ గ్రిడ్ ఏర్పాటుకు చర్యలు చేపడుతున్నట్టు తెలి సింది. దీనివల్ల మారుమూల ప్రాంతాల్లోని జనాలకు నెట్, కేబుల్ సేవలు అందడమేగాకుండా నెట్సేవలు అందుబాటులో లేని పర్యాటక ప్రాంతాల్లో టూరిస్టులకూ ఉపయోగకరంగా ఉంటుందని సర్కారు భావిస్తున్నది.
స్టేట్ డేటా సెంటర్పై ప్రత్యేక దృష్టి పెట్టి కమ్యూనికేషన్స్ వ్యవస్థను మరింత బలోపేతం చేయాలని భావిస్తున్న రాష్ట్ర సర్కార్.. అందుకు తగ్గట్టుగా అత్యాధునిక సర్వర్లను ఏర్పాటు చేయాలని నిర్ణయించినట్టు తెలిసింది. అన్ని డిపార్ట్మెంట్లలోనూ సర్వర్లను అప్గ్రేడ్ చేసేందుకు సర్కారు ప్రయత్నాలు చేస్తున్నది.
