- బీర్పై రూ.15–20, క్వార్టర్పై రూ.10–80 వరకు పెంచే చాన్స్
- కనీసం 20-–25 శాతం పెంచేందుకు నిర్ణయం
- ప్రతిపాదనలు రెడీ చేస్తున్న అధికారులు
హైదరాబాద్, వెలుగు: రాష్ట్రంలో లిక్కర్ రేట్లను పెంచేందుకు రాష్ట్ర ప్రభుత్వం కసరత్తు చేస్తున్నది. ఈ మేరకు ఎక్సైజ్ శాఖ ధరల పెంపుపై ప్రతిపాదనలు సిద్ధం చేస్తున్నట్టు తెలిసింది. ఆదాయ మార్గాలపై దృష్టి పెట్టిన ప్రభుత్వం.. లిక్కర్ రేట్లను కొంతమేర పెంచాలని నిర్ణయించింది. తొలుత మద్యం ధరలు పెంచొద్దని అనుకున్నప్పటికీ.. పక్క రాష్ట్రాల్లో ఉన్న రేట్లకు తగ్గట్టుగా మార్పులు చేయాలనే నిర్ణయానికి వచ్చినట్టు సమాచారం. బీర్పై రూ.15–20, క్వార్టర్పై రూ.10 నుంచి రూ.80 వరకు పెంచేలా ప్లాన్ చేస్తున్నారు. ఇందులో చీప్ లిక్కర్ బ్రాండ్లపై తక్కువ, ఇతర బ్రాండ్లపై ఎక్కువ పెంచేలా ప్రపోజల్స్ సిద్ధం చేస్తున్నట్టు తెలిసింది. మద్యం ధరలను యావరేజ్గా 20 శాతం నుంచి 25 శాతం మేర పెంచడం ద్వారా ప్రతినెలా రూ.500 కోట్ల నుంచి రూ.700 మేర అదనపు ఆదాయం సమకూర్చుకోవాలని ప్రభుత్వం భావిస్తున్నది.
ప్రభుత్వానికి రూ.39వేల కోట్ల మేర ఆదాయం!
ఈ ఆర్థిక సంవత్సరంలో ఎక్సైజ్ శాఖ ద్వారా వ్యాట్‌, ఎక్సైజ్ డ్యూటీల రూపంలో రూ.36 వేల కోట్లకు పైగా ఆదాయం వస్తుందని ప్రభుత్వం అంచనా వేసింది. ఏప్రిల్‌ నుంచి సెప్టెంబర్ వరకు 6 నెలల్లో ఆబ్కారీ శాఖకు ఎక్సైజ్ డ్యూటీ ద్వారా రూ.9,493 కోట్లు, వ్యాట్‌ ద్వారా మరో రూ.8,040 కోట్ల ఆదాయం వచ్చింది. అంటే ఇప్పటి వరకు ఆ రెండింటి నుంచి రూ.17,533 కోట్ల రాబడి వచ్చినట్టు లెక్కలు వెల్లడిస్తున్నాయి. మిగిలిన 6 నెలల్లో ఇదే మొత్తం వస్తుందని అంచనా వేస్తే, ఈ ఆర్థిక సంవత్సరం రూ.35,000 కోట్లకు మించే అవకాశం లేదని అధికారులు చెబుతున్నారు. అదే సమయంలో ప్రభుత్వాన్ని నిధుల కొరత వెంటాడుతున్నది. దీంతో మద్యం ధరలు పెంచితే.. కొంత ఆదాయం సమకూరుతుందని భావిస్తున్నది. వాస్తవానికి రాష్ట్ర వ్యాప్తంగా వైన్స్లు, బార్‌‌‌‌‌‌‌‌‌‌‌‌‌‌‌‌లు, క్లబ్‌‌‌‌‌‌‌‌‌‌‌‌‌‌‌‌లు, పబ్‌‌‌‌‌‌‌‌‌‌‌‌‌‌‌‌లు అన్నింటి ద్వారా రోజుకు యావరేజ్గా రూ.90 కోట్లకు పైగా విలువైన మద్యం అమ్ముడవుతున్నది. అంటే నెలకు సగటున రూ. 2,700 కోట్ల నుంచి రూ. 3,000 కోట్ల వరకు మద్యం అమ్మకాలు జరుగుతున్నాయి. ఇప్పుడు లిక్కర్ రేట్లు పెంచితే ప్రతి నెలా దాదాపు రూ.700 కోట్ల వరకు అదనంగా రాబడి పెరుగుతుందని అంచనా వేస్తున్నారు. అనుకున్నట్టు ఆదాయం పెరిగితే ఎక్సైజ్ శాఖ నుంచి రూ.38–39 వేల కోట్ల మేర ప్రభుత్వానికి రానున్నాయి.
