మందమర్రి, వెలుగు: రోజు రోజుకు పెరిగిపోతున్న అర్బనైజేషన్కు అనుగుణంగా పట్టణాల్లో మౌలిక వసతుల కల్పనపై మున్సిపల్ శాఖ దృష్టి సారించింది. రాష్ట్ర వ్యాప్తంగా కొత్తగా ఏర్పడిన మున్సిపాలిటీలకు మాస్టర్ప్లాన్ రూపొందించడంపై సర్కార్ నజర్ పెట్టింది. పంచాయతీలు కొనసాగిన కాలంలో అడ్డదిడ్డంగా నిర్మాణాలు చేపట్టడంతో ప్రస్తుతం టౌన్లలో సమస్యలు మొదలయ్యాయి. మరోవైపు పాత మున్సిపాలిటీల్లో అప్పటి జనాభా, పరిస్థితులకు అనుగుణంగా రూపొందించిన మాస్టర్ప్లాన్లో జోన్లు సరిగా లేక ప్రజలు ఇబ్బందులు పడుతున్నారు. దీంతో కొత్త మున్సిపాలిటీలు, కార్పొరేషన్లలో భవిష్యత్ తరాలకు ఎలాంటి ఇబ్బందులు తలెత్తకుండా పక్కాగా మాస్టర్ ప్లాన్లను రూపొందించాలని సర్కారు నిర్ణయించింది.
పాత మున్సిపాలిటీల్లో లోపాలను సవరించడం, కొత్త మాస్టర్ ప్లాన్పక్కాగా అమలు చేయడానికి సన్నాహాలు మొదలుపెట్టింది. మాస్టర్ ప్లాన్ కనీసం 25 నుంచి 30 సంవత్సరాల ముందస్తు అవసరాలను అనుగుణంగా రూపొందించనున్నారు. ఇప్పటికే కొత్త మున్సిపాలిటీల్లో ఆయా డిపార్ట్మెంట్ల నుంచి డాటా కలెక్ట్చేసిన డైరెక్టర్ఆఫ్మున్సిపల్అడ్మినిస్ట్రేషన్(డీఎంఎ) విడతలవారీగా సమీక్షలు జరుపుతోంది. జీహెచ్ఎంసీ మినహా రాష్ట్రవ్యాప్తంగా 142 మున్సిపాలిటీలున్నాయి. ఇందులో 70 మున్సిపాలిటీలకు మాస్టర్ప్లాన్అప్రూవ్అయ్యింది. మరో 18 మున్సిపాలిటీల్లో డ్రాఫ్ట్ సర్వే, అప్రూవల్ తదితర ప్రిపరేషన్ దశలో ఉన్నాయి. 54 కొత్తగా ఏర్పాటైన మున్సిపాలిటీలున్నాయి.
ఏళ్లుగా జనాలకు అవస్థ
గ్రామీణ ప్రాంతాల నుంచి విద్య, వైద్యం, ఉపాధి కోసం వలసలు పెరుగుతుండడంతో పట్టణాలు విస్తరిస్తున్నాయి. గతంలో పంచాయతీలుగా కొనసాగిన ప్రాంతాలను సర్కార్ కొత్తగా మున్సిపాలిటీలుగా మార్చింది. రాష్ట్రవ్యాప్తంగా 2018 ఆగస్టులో 54 కొత్త మున్సిపాలిటీలు ఏర్పాటయ్యాయి. పంచాయతీలు కొనసాగిన కాలంలో భవిష్యత్తు అవసరాలను దృష్టిలో పెట్టుకొని ప్రణాళికబద్ధంగా విస్తరించేందుకు అవసరమైన ఇండికేటివ్ ల్యాండ్యూజ్ప్లాన్(ఐఎల్ యూపీ) అమలు చేయకపోవడంతో నిర్మాణాలు ఇష్టారీతిన చేపట్టారు.
అడ్డదిడ్డమైన నిర్మాణాలు, ఇరుకైన రోడ్లతో ట్రాఫిక్ అవస్థలు, జనావాసాల మధ్య పరిశ్రమలు, వర్తక, వాణిజ్య సముదాయాలు, అస్తవ్యస్తంగా రోడ్లు, డ్రైనేజీలు, వాటర్పైపులైన్లు, స్ట్రీట్లైటింగ్కారణంగా పట్టణాల సుందరీకరణ కష్టంగా మారింది. భవిష్యత్తులో జరిగే విస్తరణలకు అవసరమైన భూమి అందుబాటులో లేకుండా పోయింది. సింగరేణి ప్రాంతాల్లో ప్లానింగ్లేకుండా ఇండ్ల నిర్మాణాలు జరిగాయి. ఇరుకైన రోడ్ల నుంచి కనీసం ఆటోలు, అంబులెన్స్లు కూడా వెళ్లలేని విధంగా కాలనీలు తయారయ్యాయి. పంచాయతీల్లో రియల్టర్లు ఎక్కడికక్కడ వెంచర్లు వేసి భూములు అమ్ముకున్నారు. భవిష్యత్ అవసరాలకు భూములు లేకపోవడంతో కొత్తగా ఏర్పడిన మున్సిపాలిటీల్లో ఇబ్బందులు తప్పడం లేదు.
మాస్టర్ప్లాన్.. సవరణలు
కొత్త మున్సిపాలిటీలకు మాస్టర్ ప్లాన్ రూపొందించేందుకు డైరెక్టర్టౌన్అండ్కంట్రీ ప్లాన్విభాగం చర్యలు చేపట్టింది. మూడు నెలల కిందట రాష్ట్రంలోని 54 కొత్త మున్సిపాలిటీల్లోని ప్రభుత్వ, సింగరేణి, ప్రైవేటు డిపార్ట్మెంట్లకు సంబంధించిన భౌతిక రూపురేఖలు, విస్తీర్ణం తదితర కీలక డాటాను సేకరించారు. ఈ డాటాపై చర్చించేందుకు విడతలవారీగా డీఎంఏ మీటింగ్లు నిర్వహిస్తోంది. ఈ నెల 26న రెండో విడతగా 18 మున్సిపాలిటీల రివ్యూ మీటింగ్ఏర్పాటు చేసింది. రివ్యూ తర్వాత సర్కార్ మాస్టర్ ప్లాన్ డ్రాఫ్ట్పనులను ఏజెన్సీ టీంకు అప్పగించే చాన్స్ఉంది. పాత మున్సిపాలిటీల్లో ఏళ్ల కిందటి మాస్టర్ప్లాన్ అమల్లో ఉంది. అయితే చాలా జోన్లలో రూల్స్కు విరుద్ధంగా ఇండ్లు కట్టారు. ఇలాంటి ఇబ్బందులను దూరం చేసేందుకు సవరణపై మున్సిపల్ శాఖ దృష్టి సారించింది.
జీఐఎస్ ఆధారంగా జోన్లుగా విభజన
పాత మున్సిపాలిటీల పరిధిలో ఉన్న మాస్టర్ ప్లాన్లను భవిష్యత్ తరాలకు ఉపయోగపడేలా కొన్ని మార్పులు చేయడం, కొత్తగా ఏర్పడిన మున్సిపాలిటీలు, కార్పొరేషన్లకు సంబంధించి పెరుగుతున్న జనాభాను అంచనా వేసి మాస్టర్ప్లాన్తో పాటు స్థానిక సంస్థకు జీఐఎస్(జియోగ్రాఫికల్ ఇన్ఫర్మేషన్ సిస్టమ్) ఆధారిత మ్యాప్ను అందుబాటులోకి తీసుకవచ్చే సన్నాహాలు చేస్తున్నారు. ప్రజలకు మెరుగైన సౌలత్ లు కల్పించడంలో భాగంగా విశాలమైన రోడ్లు, పార్కింగ్, డ్రైనేజీ, ఇంటిగ్రేటెడ్మార్కెట్, వైకుంఠధామాలు, డంపింగ్యార్డులు, వాణిజ్య, పారిశ్రామిక ప్రాంతాల వంటి అవసరాలన్నీ తీర్చేలా ప్లాన్ ఉండనుంది. జీఐఎస్ ఆధారిత మ్యాప్రూపొందించడం వల్ల పన్నుల వసూలు పారదర్శకంగా, అవినీతికి అస్కారం లేకుండా ఉంటుందని భావిస్తున్నారు.
డాటా సేకరణ పూర్తయింది
కొత్తగా ఏర్పడిన రామకృష్ణాపూర్(క్యాతనపల్లి) మున్సిపాలిటీలో మాస్టర్ ప్లాన్ అమలు కోసం ఉన్నతాధికారుల ఆదేశాలతో ఇప్పటికే ఆయా డిపార్ట్మెంట్ల డాటాను సేకరించి డీఎంఏకు పంపించాం. ఈనెల 26న రివ్యూ మీటింగ్ కోసం రెడీగా ఉన్నాం.
- జి. వెంకటనారాయణ, రామకృష్ణాపూర్ మున్సిపాలిటీ
