- బల్దియా స్థలాలు చూపగానే ఏర్పాటు
- నాలుగు రోజుల్లోనే శాంపిల్స్ రిపోర్టులు ఇచ్చేలా ప్లాన్
- అన్ని ల్యాబుల్లో ప్రతి నెలా 4 వేల శాంపిల్స్ టెస్టులు
- ఒక్కో ల్యాబ్లో 50 మంది స్టాఫ్
హైదరాబాద్ సిటీ, వెలుగు: గ్రేటర్లో కల్తీ ఫుడ్ నివారణకు ప్రభుత్వం వడివడిగా అడుగులు వేస్తున్నది. తనిఖీలు చేసిన తర్వాత కలెక్ట్ చేసిన శాంపిల్స్ చెక్ చేసేందుకు రూ.24 కోట్లతో ఐపీఎం(ఇన్స్టిట్యూట్ ఆఫ్ ప్రివెన్టివ్ మెడిసిన్), స్టేట్ హెల్త్ డిపార్ట్మెంట్ ఆధ్వర్యంలో గ్రేటర్లో ఆరు మినీ ల్యాబ్స్ఏర్పాటు చేయబోతోంది. బల్దియా స్థలం ఫైనల్ చేసిన వెంటనే నిర్మాణ పనులు మొదలుకానున్నాయి. ప్రస్తుతం రాష్ట్రానికి అంతా కలిపి నాచారంలో ఒక్కటే ల్యాబ్ ఉంది. మన స్టేట్లోని అన్ని ప్రాంతాల నుంచి ఫుడ్ శాంపిల్స్ఇక్కడకే వస్తుంటాయి. దీంతో రిపోర్టులు వచ్చేందుకు 14 రోజుల నుంచి నెల, రెండు నెలలు కూడా పడుతోంది. కొన్ని రిపోర్టులు అయతే రావడమే లేదు. దీంతో ఈ సమస్యకి చెక్ పెట్టేందుకు గ్రేటర్లో ఆరు ల్యాబ్ లు ఏర్పాటు చేయబోతున్నారు. ఎమ్మెల్సీ ఎన్నికల కోడ్ తర్వాత నిర్మాణాల పనులు ప్రారంభించే అవకాశముంది.
ఒక్కో ల్యాబ్లో 50 మంది స్టాఫ్
గ్రేటర్లోని ఖైరతాబాద్, సికింద్రాబాద్, కూకట్ పల్లి, శేరిలింగంపల్లి, ఎల్బీనగర్, చార్మినార్ జోన్లలో ఒక్కో ల్యాబ్ ని ఏర్పాటు చేయనున్నారు. ఒక్కో ల్యాబ్ లో 50 మంది వరకు స్టాఫ్ ని నియమించనున్నారు. బల్దియాతో పాటు స్టేట్ ఫుడ్ సేఫ్టీ, టాస్క్ ఫోర్స్ అధికారులు శాంపిల్స్పంపిస్తారు కాబట్టి ఒక్కో ల్యాబ్లో ప్రతి నెలా 600 నుంచి 700 శాంపిల్స్టెస్ట్చేసేలా ఏర్పాటు చేయనున్నారు.
ఫుడ్ టెస్టింగ్ వ్యాన్ లు
ప్రస్తుతం మన దగ్గర ఒకే ఒక్క మొబైల్ ఫుడ్ టెస్టింగ్ వ్యాన్ ఉండడంతో ఎటూ సరిపోవడం లేదు. దీంతో ఒక్కో రోజు ఒక్కో ప్రాంతంలోని హోటల్స్, స్ర్టీట్ ఫుడ్ వెండర్ల వద్ద ఆయిల్, ఇతర ఫుడ్శాంపిల్స్సేకరించి అక్కడే టెస్టులు చేస్తున్నారు. అయితే, మరిన్ని వాహనాలు ఉంటే ఎక్కువ సంఖ్యలో శాంపిల్స్టెస్ట్చేసే అవకాశం ఉంటుందని భావించిన ప్రభుత్వం మరో ఐదు ఫుడ్ టెస్టింగ్ వ్యాన్లను రంగంలోకి దించబోతున్నది. ఇప్పటికే వ్యాన్లను కొన్నా లోపల ఎక్విప్మెంట్లేకపోవడంతో నిరుపయోగంగా ఉన్నాయి. వీటిని సాధ్యమైనంత తొందరలో అందుబాటులోకి తేవాలని సర్కారు భావిస్తోంది.
