- బ్యాంకర్లకు సూచించిన రాష్ట్ర సర్కార్
హైదరాబాద్, వెలుగు: పంట రుణాల కోసం రైతుల పట్టా పాస్ పుస్తకాలుతనఖా పెట్టుకోవద్దని భూభారతి గెజిటల్లో బ్యాంకర్లకు రాష్ట్ర సర్కార్ స్పష్టం చేసింది. పాసు పుస్తకాలు పెట్టుకోవద్దనే నిబంధన ఉన్నప్పటికీ.. కొన్నేండ్లుగా షార్ట్ టర్మ్ లోన్లకు బ్యాంకు అధికారులు తనఖా పెట్టుకుంటున్నారని తెలిపింది. ఇక నుంచి కచ్చితంగా ఈ నిబంధన అమలు చేయాలని తేల్చి చెప్పింది.
తాజాగా, రాష్ట్ర ప్రభుత్వం రైతు భరోసా కోసం ఫీల్డ్ సర్వే నిర్వహిస్తున్నది. సాగు యోగ్యత లేని భూముల లెక్కలు తీస్తున్నది. ఈ లెక్కల ఆధారంగా ఆబాదీ భూములను ప్రత్యేక పోర్టల్లో, సాగు భూములను వేర్వేరుగా భూభారతి పోర్టల్లో పొందుపర్చనున్నారు. భూ భారతి వెబ్సైట్లో ఉన్న డేటా ఆధారంగా క్రాప్లోన్లు ఇవ్వనున్నారు.
