- ఓఆర్ఆర్ ఎగ్జిట్ల నుంచి ట్రిపుల్ ఆర్ వరకు 9 రోడ్ల నిర్మాణం
- కావాల్సింది 918 ఎకరాలు
- 568 ఎకరాల పట్టా భూములు సేకరించడమే పెద్ద టాస్క్
- మొదటి దశలో ఓఆర్ఆర్నుంచి ఆమన్గల్వరకు రోడ్నిర్మాణం
- త్వరలో టెండర్లు పిలవాలని నిర్ణయం
హైదరాబాద్సిటీ, వెలుగు: ప్రభుత్వం ప్రతిష్టాత్మకంగా నిర్మిస్తున్న రీజినల్రింగ్రోడ్(ట్రిపుల్ ఆర్)ను ఓఆర్ఆర్కు కలిపేందుకు ప్రతిపాదించిన గ్రీన్ఫీల్డ్రోడ్ల నిర్మాణానికి ప్రపోజల్స్సిద్ధమయ్యాయి. ఈ పనులను హెచ్ఎండీఏకు చెందిన హైదరాబాద్గ్రోత్కారిడార్ కార్పొరేషన్(హెచ్జీసీఎల్) సంస్థ చేపడుతోంది. సీఎం రేవంత్రెడ్డి మానస పుత్రిక ఫోర్త్సిటీ మీదుగా గ్రీన్ఫీల్డ్రోడ్లను ట్రిపుల్ఆర్వరకూ నిర్మిస్తారు.
మొత్తం 9 రోడ్లను ఔటర్ రింగ్రోడ్ ఎగ్జిట్పాయింట్ల నుంచి ఫోర్త్సిటీ మీదుగా ట్రిపుల్ఆర్వరకూ నిర్మించాలని ప్రతిపాదించారు. ఈ ప్రపోజల్స్కు సర్కారు గ్రీన్సిగ్నల్కూడా ఇచ్చిందని, రోడ్ల నిర్మాణం పూర్తయితే ఫోర్త్సిటీ డెవలప్మెంట్తో పాటు ట్రిపుల్ఆర్వరకూ కనెక్టివిటీ ఏర్పడుతుందని అధికారులు చెప్తున్నారు. ఈ రోడ్లన్నీ 300 అడుగులతో నిర్మించనున్నారు. దీనికి కావాల్సిన భూమి కోసం ఇప్పటికే హెచ్జీసీఎల్అధికారులు భూసేకరణ నోటిఫికేషన్జారీ చేశారు. ఔటర్ రింగ్రోడ్నుంచి ట్రిపుల్ఆర్వరకు దాదాపు 41 కిలోమీటర్ల మేర భూములను సేకరించేందుకు అధికారులు కసరత్తు ప్రారంభించారు.
మొదటగా ఫోర్త్సిటీ నుంచే..
గ్రీన్ఫీల్డ్ రోడ్లను ఓఆర్ఆర్ఎగ్జిట్పాయింట్ల నుంచి నిర్మించనున్నారు. ఓఆర్ఆర్కు 17 ఎగ్జిట్పాయింట్లు ఉండగా, ఇందులో 9 పాయింట్ల నుంచి రోడ్లను నిర్మించనున్నారు. మొదట రావిర్యాల ఓఆర్ఆర్ఎగ్జిట్నంబర్13 నుంచి ఫోర్త్సిటీ మీదుగా కొంగర కుర్ధు నుంచి కొంగరకలాన్, మీర్ఖాన్పేట వరకూ 18 కి.మీ రోడ్డును.. ముచ్చెర్ల, కుర్మిద్ద, కడ్తాల్, ముద్విన్, ఆమన్గల్మీదుగా ఆకుతోటపల్లి వరకూ ట్రిపుల్ఆర్ను కలుపుతూ రోడ్డును నిర్మించాలని ప్రతిపాదించారు.
భూ సేకరణ 50 శాతం పూర్తికాగానే ఈ రోడ్డును నిర్మించేందుకు అవసరమైన ఏర్పాట్లు చేస్తున్నారు. దీనికోసం త్వరలోనే టెండర్లు పిలవనున్నారు. 9 రోడ్లకు 918 ఎకరాలను సేకరించేందుకు నోటిఫికేషన్జారీ చేసినట్టు అధికారులు తెలిపారు.
348 ఎకరాలకు సమస్య లేదు
గ్రీన్ఫీల్డ్రోడ్ల నిర్మాణానికి అవసరమైన 918 ఎకరాలను సేకరించడమే పెద్ద టాస్క్లా మారింది. ప్రభుత్వం సేకరించనున్న ఈ భూముల్లో 568 ఎకరాల వరకు పట్టా భూములు, 169 ఎకరాలు ఫారెస్ట్ భూములు, టీజీ ఐఐసీకి చెందిన156 ఎకరాలు, ప్రభుత్వ భూములు 23 ఎకరాలు ఉన్నాయి. ప్రభుత్వ, ఫారెస్ట్ భూములు సేకరించడం కష్టం కాదని, పట్టా భూములు సేకరించడానికే ప్రయత్నాలు చేస్తున్నట్టు అధికారులు చెప్పారు. ట్రిపుల్ఆర్పూర్తయ్యే నాటికి మీర్ఖాన్పేట నుంచి ఆమన్గల్, తోటపల్లి వరకూ రోడ్లు పూర్తి చేయాలని టార్గెట్పెట్టుకున్నారు.
