- మెహందీ, టాటూలు, నగలు వేసుకోవద్దు
- అరగంట ముందే సెంటర్ల గేట్లు క్లోజ్
- సెంటర్ల వద్ద 144 సెక్షన్
- నేడు, రేపు గ్రూప్–2 ఎగ్జామ్స్
- 150 సెంటర్లు.. 52053 అభ్యర్థులు
యాదాద్రి, సూర్యాపేట, నల్గొండ, వెలుగు : గ్రూప్–-2 ఎగ్జామ్స్కు ప్రభుత్వం స్ట్రిక్ట్ రూల్స్ అమలు చేయనుంది. ప్రభుత్వం జారీ చేసిన ఏదైనా ఒరిజినల్ ఐడీ కార్డు ఉంటేనే ఎగ్జామ్ రాయడానికి అనుమతి ఉంటుందని ఆఫీసర్లు తేల్చి చెప్పారు. నగలు, మెహందీ, టాటూలు వేసుకోవద్దని చెప్పారు. ఎగ్జామ్స్రాసేందుకు వచ్చే ప్రతి అభ్యర్థి బయోమెట్రిక్తీసుకుంటామని తెలిపారు. గ్రూప్–-2 పరీక్షలకు హాజరయ్యే అభ్యర్థుల కోసం ఉమ్మడి నల్గొండ జిల్లాలో అన్ని ఏర్పాట్లు పూర్తయ్యాయి.
కలెక్టర్లు ఇలా త్రిపాఠి, హనుమంతరావు, తేజస్ నందలాల్పవార్ ఎగ్జామ్స్పై రివ్యూలు నిర్వహించడంతోపాటు సెంటర్లలో ఏర్పాట్లను పరిశీలించారు. ఎగ్జామ్స్నిర్వహణ కోసం చీఫ్ సూపరింటెండెంట్, అసోసియేట్ చీఫ్ సూపరింటెండెంట్లు, బయోమెట్రిక్ తీసుకోవడానికి ప్రత్యేకంగా ఆఫీసర్లు, అబ్జర్వర్లు, జాయింట్రూట్ ఆఫీసర్లు, ఫ్లయింగ్ స్క్వాడ్స్ సహా ఇన్విజిలేటర్లను నియమించారు.
నేడు, రేపు గ్రూప్–-2 పరీక్షలు..
గ్రూప్–-2 ఎగ్జామ్ ఆది, సోమవారాల్లో నిర్వహించనున్నారు. ఆదివారం ఉదయం 10 నుంచి మధ్యాహ్నం 12.30 వరకు ఫస్ట్ పేపర్, మధ్యాహ్నం 3 నుంచి సాయంత్రం 5.30 గంటల వరకు రెండో పేపర్ పరీక్ష నిర్వహణ ఉంటుంది. 16న ఉదయం 10 నుంచి 12.30 వరకు మూడో పేపర్, మధ్యాహ్నం 3 నుంచి 5.30 వరకు నాలుగో పేపర్ ఎగ్జామ్స్నిర్వహించనున్నారు. అభ్యర్థులు గంట ముందే సెంటర్లకు చేరుకోవాలని, అరగంట ముందే గేట్లు మూసి వేస్తామని అధికారులు ప్రకటించారు. సెంటర్ల వద్ద 144 సెక్షన్ అమల్లో ఉంటుందని తెలిపారు.
బయోమెట్రిక్ తప్పనిసరి..
ఎగ్జామ్స్కు హాజరయ్యే ప్రతి అభ్యర్థి బయోమెట్రిక్ తప్పనిసరి చేశారు. బయోమెట్రిక్వేయని అభ్యర్థుల ఓఎంఆర్ పత్రాలను మూల్యాంకనం చేయబోమని టీజీపీఎస్సీ తెలిపింది. ఎగ్జామ్స్కు ముందే అందించే ఓఎంఆర్షీట్లో తమ వివరాలను తప్పులు లేకుండా అభ్యర్థులు రాయాల్సి ఉంటుంది. అభ్యర్థులు హాల్ టికెట్ ను ఏ–4 సైజ్ పేపర్ లో కలర్ ప్రింట్ తీసుకోవాల్సి ఉంటుంది. డౌన్లోడ్చేసిన హాల్ టికెట్ పై ఫొటో స్పష్టంగా లేకుంటే గెజిటెడ్ ఆఫీసర్ లేదా చివరగా చదువుకున్న విద్యాసంస్థ ప్రిన్సిపాల్తో అటెస్ట్ చేయించాల్సి ఉంటుంది మూడు పాస్ పోర్టు సైజ్ఫొటోలతోపాటు వెబ్ సైట్ లో పొందుపరిచిన ధ్రువీకరణ పత్రాన్ని పూర్తిచేసి ఇన్విజిలేటర్ కు అందించాల్సి ఉంటుంది. హాల్ టికెట్ పై అభ్యర్థులు తమ తాజా పాస్ ఫోటోను అతికించాలన్నారు.
నగలు, మెహందీ, టాటూలు వద్దు..
ఎగ్జామ్స్కు హాజరయ్యే అభ్యర్థులకు ఆఫీసర్లు పలు సూచనలు చేశారు. అభ్యర్థులు తమ చేతులపై మెహందీ, టాటూలు, నగలు వేసుకోవద్దు. సెల్ఫోన్లు, ఇతర ఎలక్ట్రానిక్ పరికరాలు తీసుకురావద్దు. చెప్పులతో రావాల్సి ఉంటుంది. అయితే మంగళసూత్రం, గాజులకు మినహాయింపు ఉంటుంది. బ్లూ లేదా బ్లాక్ పెన్నుతోనే ఎగ్జామ్స్రాయాల్సి ఉంటుంది. ప్రభుత్వం జారీ చేసిన ఏదైనా ఒరిజినల్ గుర్తింపు కార్డును తీసుకొని వస్తేనే ఎంట్రీ ఉంటుందని ఆఫీసర్లు స్పష్టం చేశారు.
150 సెంటర్లు.. 52,053 అభ్యర్థులు..
గ్రూప్ 2 ఎగ్జామ్స్ నిర్వహణ కోసం ఉమ్మడి నల్గొండ జిల్లాలో 150 సెంటర్లు ఏర్పాటు చేశారు. యాదాద్రి జిల్లాలో 14 కేంద్రాలు ఏర్పాటు చేశారు. 6078 మంది అభ్యర్థులు ఎగ్జామ్స్కు హాజరుకానున్నారు. సూర్యాపేట, నల్గొండ జిల్లాల్లో 136 పరీక్షా కేంద్రాల్లో 45,975 మంది అభ్యర్థులు పరీక్ష రాయనున్నారు. కోదాడ రీజినల్ పరిధిలో 19, సూర్యాపేట రీజినల్‌‌‌‌లో 30 , నల్గొండ రీజినల్ లో 59, మిర్యాలగూడలో 28 పరీక్షా కేంద్రాల్లో మొత్తం 45,975 మంది అభ్యర్థులు పరీక్షకు హాజరుకానున్నారు.
అన్ని ఏర్పాట్లు పూర్తి చేశాం
గ్రూప్–-2 పరీక్ష కోసం అన్ని ఏర్పాట్లు చేశాం. అభ్యర్థులకు ఎలాంటి ఇబ్బందులు కలగకుండా చర్యలు తీసుకున్నాం. అభ్యర్థులు కూడా రూల్స్ప్రకారం సెంటర్కు రావాలి. ఎలాంటి ఆందోళనకు గురికాకుండా ప్రశాంతంగా ఎగ్జామ్స్ రాయాలి. - హనుమంతరావు, కలెక్టర్, యాదాద్రి
