- జిల్లాలో స్పెషల్ డ్రైవ్ షురూ
- ప్రతి మండలానికి రెండు టీమ్లు
- పెండింగ్ దరఖాస్తులు 7,250
మంచిర్యాల, వెలుగు: ధరణి సమస్యల పరిష్కారానికి రాష్ర్ట ప్రభుత్వం చర్యలు చేపట్టింది. ఈ నెల 1 నుంచి 9 వరకు జిల్లావ్యాప్తంగా స్పెషల్డ్రైవ్నిర్వహిస్తోంది. ధరణి పోర్టల్అమల్లోకి వచ్చిన తర్వాత అనేక భూ సమస్యలు తెరపైకి వచ్చాయి. ఖాతా, సర్వేనంబర్లు మిస్సింగ్, తప్పులు, పట్టాదారు పేర్లు, ఫొటోల్లో తప్పలు, విస్తీర్ణంలో హెచ్చుతగ్గులు, పట్టా, అసైన్డ్ భూములు ప్రభుత్వ భూములుగా నమోదు వంటి తప్పులు దొర్లాయి.
అలాగే మ్యుటేషన్లు, సక్సెషన్, నాలా, జీపీఏ, పీవోబీ, కోర్టు కేసులు, పాస్ బుక్ డేటా కరెక్షన్తదితర దరఖాస్తులు పెండింగ్లో ఉన్నాయి. వీటి పరిష్కారం కోసం ధరణి పోర్టల్ టీఎం 33 మాడ్యుల్స్లో దరఖాస్తులు చేసుకున్నారు. ఏండ్లు గడుస్తున్నా సమస్యలు పరిష్కరించకపోవడంతో బాధితులు తహసీల్దార్, ఆర్డీఓ, కలెక్టర్ ఆఫీసుల చుట్టూ తిరుగుతున్నారు. ఈ నేపథ్యంలో రాష్ట్ర ప్రభుత్వం ధరణిలో పెండింగ్ ఉన్న దరఖాస్తులను స్పెషల్ డ్రైవ్లో డిస్పోజ్ చేయాలని సూచించింది.
కలెక్టర్7 రోజుల్లో, అడిషనల్ కలెక్టర్3 రోజుల్లోగా..
జిల్లాలో 7,250 అప్లికేషన్లు పెండింగ్ఉన్నాయి. వీటి పరిష్కారానికి సంబంధించి గతంలో కలెక్టర్కు మాత్రమే పవర్స్ఉండగా.. ప్రస్తుతం ఆర్డీఓలు, తహసీల్దార్లకు అధికారాలు ఇచ్చారు. మ్యుటేషన్, సక్సెషన్, పీఓబీ సమస్యలు, సెమీ అర్బన్ ఏరియాలో పట్టా దారు పాస్బుక్ల సమస్యలు, కోర్టు తీర్పుల ఆధారంగా పాస్బుక్ల జారీ, ఇండ్లు, నివాస స్థలాలుగా మారిన భూముల నాలా కన్వర్షన్ వంటి అధికారాలను కలెక్టర్కు ఇచ్చారు. కలెక్టర్7 రోజుల్లోగా, అడిషనల్ కలెక్టర్3 రోజుల్లోగా పరిష్కరించాలని ప్రభుత్వం సూచించింది.
ఆర్డీఓలకు పాస్ బుక్ లేకుండా నాలా కన్వర్షన్, ప్రభుత్వం సేకరించిన భూముల్లో సమస్యలు, ఎన్ఆర్ఐలకు సంబంధించిన సమస్యలు, కోర్టు కేసుల పరిష్కారం, డేటా కరెక్షన్స్, మిస్సింగ్సర్వేనంబర్లు, విస్తీర్ణంలో హెచ్చుతగ్గులు తదితర సమస్యలను మూడు రోజుల్లోగా పరిష్కరించాలి. తహసీల్దార్లు పట్టా, అసైన్డ్ భూముల విరాసత్, జీపీఏ, స్పెషల్ ల్యాండ్ మ్యాటర్స్, ఖాతా మెర్జింగ్ వంటి సమస్యలను ఏడు రోజుల్లోగా క్లియర్ చేయాలి.
ప్రతి మండలానికి రెండు టీమ్లు
ధరణిలో పెండింగ్ ఉన్న సమస్యలను పరిష్కరించడానికి తహసీల్దార్లు, నాయబ్ తహసీల్దార్లు, గిర్దావర్ల ఆధ్వర్యంలో ప్రతి మండలానికి రెండు టీమ్లను ఏర్పాటు చేశారు. ఒక మండలంలో 20 గ్రామాలు ఉంటే ఒక్కో టీమ్కు 10 గ్రామాల చొప్పున కేటాయించారు. ఈ టీమ్లు అవసరమైతే ఫీల్డ్ విజిట్ చేసి రిపోర్ట్ను అప్రూవల్ ఇచ్చే అథారిటీ (కలెక్టర్, ఆర్డీఓ, తహసీల్దార్)కు అందజేస్తాయి.
కలెక్టర్ బదావత్ సంతోష్ శుక్రవారం అడిషనల్ కలెక్టర్ సబావత్ మోతీలాల్, బెల్లంపల్లి ఆర్డీవో హరికృష్ణతో కలిసి తహసీల్దార్లు, డిప్యూటీ తహసీల్దార్లు, రెవెన్యూ అధికారులతో కలెక్టరేట్లో రివ్యూ మీటింగ్ నిర్వహించి గైడ్లైన్స్ వివరించారు. ప్రభుత్వం విధించిన గడువులోగా పెండింగ్ దరఖాస్తులను పరిష్కరించడానికి చర్యలు తీసుకోవాలని అధికారులను ఆదేశించారు.