భద్రాద్రికొత్తగూడెం, వెలుగు : సీఎం కేసీఆర్ఖమ్మం జిల్లా పర్యటన పూర్తయిన కొద్ది గంటల్లోనే మాజీ ఎంపీ పొంగులేటి శ్రీనివాస్రెడ్డి వర్గానికి ప్రభుత్వం షాక్ఇచ్చింది. ఆయన వర్గానికి చెందిన జడ్పీ చైర్మన్ కోరం కనకయ్య, పినపాక మాజీ ఎమ్మెల్యే పాయం వెంకటేశ్వర్లు, బీఆర్ఎస్సీనియర్ లీడర్డాక్టర్ తెల్లం వెంకట్రావ్లకు కేటాయించిన గన్మెన్లను గురువారం తొలగించింది. జడ్పీ చైర్మన్ కోరం కనకయ్యకు ఎమ్మెల్యేగా ఉన్న టైంలో 4+4 గన్మెన్లు ఉండే వారు. మాజీగా మారిన తర్వాత 2+2 గన్మెన్లను ఇచ్చారు. జడ్పీ చైర్మన్గా ఎన్నికైన తర్వాత 3+3 గన్మెన్లు ఉండాల్సి ఉంది. కానీ 2+2 గన్మెన్లతోనే సరిపెట్టారు. గురువారం సీఎం పర్యటన తర్వాత ఎటువంటి సమాచారం లేకుండానే 2+2 గన్మెన్లను 1+1గా చేశారు. దీనిపై ఆగ్రహం వ్యక్తం చేసిన కోరం వారు కూడా వద్దని తిరిగి పంపించేశారు. పినపాక మాజీ ఎమ్మెల్యే పాయం వెంకటేశ్వర్లుకు 1+1 గన్మెన్లు ఉండగా, మొత్తానికే తొలగించారు. బీఆర్ఎస్సీనియర్లీడర్, గత ఎన్నికల్లో ఆ పార్టీ తరపున పోటీ చేసి ఓడిపోయిన డాక్టర్తెల్లం వెంకట్రావ్కు కూడా 1+1 ఉండేవారు. ఈయనకు కూడా పూర్తిగా తొలగించారు. ఈయన గురువారం భద్రాచలంలో మీడియా సమావేశం పెట్టి తాను పొంగులేటి వెంటే నడుస్తానన్న కొద్దిసేపటికే గన్మెన్లను తొలగిస్తున్నట్లు ఉత్తర్వులు వెలువడ్డాయి. ప్రస్తుతం గన్మెన్లు లేని నేతలంతా ఏజెన్సీ ప్రాంతాల్లో తిరిగే వారే. పొంగులేటికి ఆరు నెలల కిందటే 4+4 గన్మెన్లు ఉండగా 2+2 చేశారు. ప్రస్తుతం దీన్నే కొనసాగిస్తున్నారు.
కక్ష సాధిస్తున్నరు
ఉమ్మడి ఖమ్మం జిల్లాలోని కొందరు నేతల ఆదేశాల మేరకే తన గన్మెన్లను కుదించారని జడ్పీ చైర్మన్ కోరం కనకయ్య ఆరోపించారు. ఈ గన్మెన్లు కూడా తనకు అవసరం లేదని వెనక్కి పంపించానన్నారు. రాష్ట్ర వ్యాప్తంగా మాజీ ఎమ్మెల్యేలకు గన్మెన్లను ఉంచిన ప్రభుత్వం తాము పొంగులేటితో తిరుగుతున్నామనే కక్ష గట్టి తొలగించిందని పినపాక మాజీ ఎమ్మెల్యే పాయం వెంకటేశ్వర్లు వాపోయారు. తమకు గన్మెన్లు లేకపోయినా ప్రజాక్షేత్రంలోనే ఉంటామన్నారు.
