హైదరాబాద్: మూసీ నది ప్రక్షాళన, సుందరీకరణపై దృష్టి సారించిన తెలంగాణ ప్రభుత్వం మరో కీలక నిర్ణయం తీసుకుంది. మూసీ నది నిర్వాసితుల జీవనోపాధి కోసం ప్రత్యేక కమిటీని ఏర్పాటు చేసింది. సెర్ఫ్ సీఈవో ఛైర్మన్గా 14 మంది సభ్యులతో ప్రత్యేక కమిటీని ఏర్పాటు చేస్తూ ఈ మేరకు ప్రభుత్వం 2024, అక్టోబర్ 5న ఉత్తర్వులు జారీ చేసింది.
మూసీ నది ప్రక్షాళన, సుందరీకరణపై ప్రభుత్వం ఫోకస్ పెట్టింది. ఈ క్రమంలోనే మూసీ పరివాహక ప్రాంతాల్లో ఉన్న వారిని అక్కడ నుండి తరలించేందుకు ఏర్పాట్లు చేస్తోంది. అయితే, మూసీ పరివాహక బాధితుల నుండి ప్రభుత్వంపై తీవ్ర వ్యతిరేకత వ్యక్తం అవుతోంది. ఈ క్రమంలోనే మూసీ పరివాహక ప్రాంత నిర్వాసితులకు ఇండ్లతో పాటు జీవనోపాధి కల్పించాలని ప్రభుత్వం డిసైడ్ అయ్యింది. 14 మంది సభ్యులతో ఏర్పాటు చేసిన ఈ ప్రత్యేక కమిటీ మూసీ బాధితులకు ఏ విధంగా ఉపాధి కల్పించవచ్చదానిపై చర్చించి ప్రభుత్వానికి నివేదిక అందించనుంది.
