హైదరాబాద్, వెలుగు: మొదటి ఎంఎస్ఎంఈ పాలసీని వచ్చే అసెంబ్లీ సమావేశాల్లో ప్రవేశపెట్టనున్నట్టు రాష్ట్ర ఐటీ, పరిశ్రమలశాఖ మంత్రి శ్రీధర్ బాబు ప్రకటించారు. దీని ముసాయిదా తయారవుతోందని, పరిశ్రమ పెద్దలు సూచనలను అందించాలని కోరారు. ఈ విధానం ఎంఎస్ఎంఈ రంగం సమ్మిళిత వృద్ధిపై దృష్టి పెడుతుందని, ఎంఎస్ఎంఈలు మరింత బలోపేతం కావాలని కోరుకుంటున్నామని చెప్పారు.
ఫిక్కీ లేడీస్ ఆర్గనైజేషన్ (ఎఫ్ఎల్ఓ) ఎంఎస్ఎంఈల సమ్మిళిత వృద్ధిపై నిర్వహించిన సమావేశంలో మాట్లాడుతూ ఆయన ఈ విషయాలు చెప్పారు. రాష్ట్ర పారిశ్రామికాభివృద్ధిలో మహిళల పాత్ర ఎంతో ఉందని ప్రశంసించారు. హైదరాబాద్‌‌‌‌‌‌‌‌ను ఏఐకి భవిష్యత్ రాజధానిగా మార్చాలని లక్ష్యంగా పెట్టుకున్నామని అన్నారు.
