- ఒత్తిడి నుంచి తప్పించేందుకు బోర్డు చర్యలు
హైదరాబాద్, వెలుగు: ఇంటర్మీడియెట్ విద్యార్థుల్లో పరీక్షల ఒత్తిడిని తగ్గించేందుకు రాష్ట్రాలలో టెలీ మెంటల్ హెల్త్ అసిస్టెన్స్ అండ్ నెట్‌వర్కింగ్(టెలీమానస్) విధానాన్ని కొనసాగిస్తున్నట్టు ఇంటర్ బోర్డు సెక్రటరీ కృష్ణ ఆదిత్య ఒక ప్రకటనలో తెలిపారు. విద్యార్థులు ఒత్తిడికి గురైతే టోల్ ఫ్రీ నంబర్ 14416 లేదా 1800-914416 నంబర్కు కాల్ చేయాలని సూచించారు. సైకాలజిస్టులు, సైకియాట్రిస్టులు ఉచితంగా సేవలు అందిస్తారని వెల్లడించారు.
మార్చి నెలలో పబ్లిక్ పరీక్షలు ప్రారంభమవుతున్న నేపథ్యంలో.. దీన్ని విద్యార్థులు ఉపయోగించుకోవాలని ఆయన కోరారు. 24 గంటలూ ఈ నంబర్లు పనిచేస్తాయన్నారు. వ్యక్తిగతంగానూ జిల్లా సర్కారు హాస్పిటల్స్లో మెంటల్ హెల్త్ క్లినిక్స్ ఏర్పాటు చేసినట్టు చెప్పారు. దీన్ని పేరెంట్స్, స్టూడెంట్స్ వినియోగించుకోవాలని ఆయన సూచించారు.
