- టీహబ్లో మ్యాథ్2024 ఇన్నోవేషన్ గాలా అవార్డుల ప్రోగ్రామ్లో మంత్రి శ్రీధర్బాబు
మాదాపూర్, వెలుగు: గ్లోబల్ కేపబిలిటీ సెంటర్లు, టెక్నాలజీ కేపబిలిటీ సెంటర్లతో హైదరాబాద్ గ్లోబల్ టెక్నాలజీ హబ్గా బలంగా స్థిరపడిందని తెలంగాణ రాష్ట్ర ఐటీ శాఖ మంత్రి శ్రీధర్బాబు అన్నారు. రాబోయే రెండేండ్లలో ఈ సంఖ్య రెట్టింపు చేయాలనే లక్ష్యంతో ముందుకు వెళ్తున్నామన్నారు. గురువారం టీహబ్లో మిషన్ లెర్నింగ్ అండ్ ఆర్టిఫిషియల్ ఇంటెలిజెన్స్ టెక్నాలజీ హబ్ 2024 ఇన్నోవేషన్ గాలా అవార్డుల కార్యక్రమం జరిగింది.
ఈ వేడుకల్లో ఏఐ అండ్ ఎంఎల్లో జరిగిన పురోగతిని సెలబ్రేట్ చేస్తూ 10 విభాగాల్లో 16 స్టార్టప్ ఇన్నోవేటర్లను గుర్తించి సత్కరించారు. ఏఐ స్టార్టప్స్ కోసం ఎంఏటిహెచ్ ప్రత్యేకంగా ప్లాగ్షిప్ మార్కెట్ప్లేస్ను ప్రారంభించినట్లు మ్యాథ్ సీఈఓ రాహుల్పైత్ తెలిపారు. ఈ ఇన్నోవేషన్ గాలా అవార్డులు గ్లోబల్ ఏఐ ఇన్నోవేషన్ సమ్మిట్ 2024కు పునాదిగా నిలిచినట్లు తెలిపారు. సెప్టెంబర్ 4,5 తేదీల్లో మ్యాథాక్2.0 పేరిట భారీ హ్యాకథాన్ను నిర్వహిస్తున్నామని అన్నారు. కార్యక్రమంలో ఐటీ శాఖ ప్రిన్సిపల్ సెక్రటరీ జయేశ్ రంజన్, ఇతర ప్రతినిధులు పాల్గొన్నారు.
