- ఆంధ్రా సెటిలర్లు కామెంట్ను ఉపసంహరించుకోవాలి
- రాజకీయలబ్ధి కోసం ప్రజల మధ్య వైషమ్యాలు సృష్టిస్తారా?
- వ్యక్తిగత రాజకీయ విభేదాలను మాపై రుద్దుతారా?
- ఇది కౌశిక్ వ్యక్తిగతమా? లేక బీఆర్ఎస్ స్టాండా? అని ప్రశ్న
ఖైరతాబాద్, వెలుగు: బీఆర్ఎస్ఎమ్మెల్యే కౌశిక్రెడ్డి ఇటీవల చేసిన ‘ఆంధ్రా సెటిలర్లు’ అనే కామెంట్ను వెంటనే ఉపసంహరించుకోవాలని, ఆయన క్షమాపణ చెప్పాలని తెలంగాణ కమ్మ రాజకీయ ఐక్య వేదిక అధ్యక్షుడు ప్రొఫెసర్ గోపాలం విద్యాసాగర్ డిమాండ్ చేశారు.
ప్రజా ప్రతినిధుల మధ్య తలెత్తిన విభేదాల్లో ఎలాంటి సంబంధంలేని వారిని మధ్యలోకి లాగడం మంచిది కాదని సూచించారు. శనివారం హైదరాబాద్ ప్రెస్క్లబ్లో నిర్వహించిన మీడియా సమావేశంలో అసోసియేషన్ ఉపాధ్యక్షుడు అన్నె సత్యనారాయణ, కార్యదర్శి వెలగపూడి సత్యనారాయణ చౌదరితో కలిసి విద్యాసాగర్మాట్లాడారు.
ఒకే పార్టీకి చెందిన ఎమ్మెల్యేలు అరికెపూడి గాంధీ, పాడి కౌశిక్ రెడ్డి మధ్య తలెత్తిన ఘర్షణలోకి.. ఐకమత్యంతో తెలంగాణలో నివసిస్తున్న వారిని ఎందుకు లాగాల్సి వచ్చిందని ప్రశ్నించారు.
సెటిలర్స్అనే పదాన్ని తీవ్రంగా నిరసిస్తున్నం
వ్యక్తిగత రాజకీయ విభేదాలను తమపై రుద్దడం దురదృష్టకరమని,సెటిలర్స్అనే పదాన్ని తాము తీవ్రంగా నిరసిస్తున్నామని విద్యాసాగర్ అన్నారు. ‘‘తెలంగాణలో బతుకుతున్న ప్రజలంతా అన్నదమ్ముల్లా కలిసి ఉంటున్నాం.
రాజకీయ లబ్ధికోసం సెంటిలర్స్అంటూ రెచ్చగొట్టడం మంచిది కాదు. రాష్ట్ర అభివృద్ధిలో భాగస్వాములవుతున్నవారిని అభినందించాల్సింది పోయి.. విమర్శించడం దారుణం.
హైదరాబాద్లో కోటి పది లక్షల జనాభా ఉంటే వారి (కౌశిక్రెడ్డి) భావన ప్రకారం అందులో80 లక్షల మంది సెటిలర్సే. కానీ మా భావన ప్రకారం వాళ్లందరూ తెలంగాణ బిడ్డలే. తెలంగాణలో నివసిస్తున్నారు. ఇక్కడ స్థిర నివాసం ఏర్పరుచుకున్నారు.
తెలంగాణ కోసం పాటుపడుతున్నారు. వారందరి మనోభావాలను కౌశిక్రెడ్డి దెబ్బతీశారు” అని పేర్కొన్నారు. రాజకీయ స్వార్థంకోసం ప్రజల మధ్య వైషమ్యాలు, ప్రాంతీయ విభేదాలు సృష్టిస్తారా? అని మండిపడ్డారు.
ఈ దేశంలో పుట్టినవారందరికీ ఎక్కడైనా జీవించే హక్కు ఉన్నదని, హైదరాబాద్లో ఎన్నో రాష్ట్రాల వారు నివసిస్తున్నారని తెలిపారు. అలాంటప్పుడు ఆంధ్రా సెటిలర్ అని ఎలా అంటారంటూ కౌశిక్రెడ్డిపై మండిపడ్డారు.
ఈ వ్యాఖ్యలు కౌశిక్వ్యక్తిగతమా? లేక బీఆర్ఎస్పార్టీ అభిప్రాయమా? అనేది స్పష్టం చేయాలని డిమాండ్ చేశారు. సమావేశంలో రవీంద్రబాబు, వెంకటేశ్వర్లు, బి.మధుసూదన్,తదితరులు పాల్గొన్నారు.
