జీడిమెట్ల, వెలుగు: వినాయక ఉత్సవాలు పర్యావరణ హితంగా జరుపుకునేందుకు రాష్ట్ర కాలుష్య నియంత్రణ మండలి ఆధ్వర్యంలో అవగాహన కార్యక్రమాలు నిర్వహిస్తున్నామని పీసీబీ మెంబర్ సెక్రటరీ కృష్ణ ఆదిత్య అన్నారు. సనత్‌‌‌‌‌‌‌‌‌‌‌‌‌‌‌‌నగర్లోని పీసీబీ హెడ్డాఫీస్‌‌‌‌‌‌‌‌‌‌‌‌‌‌‌‌లో ఎకో ఫ్రెండ్లీ వినాయకుడిపై అవగాహన కోసం ఆన్లైన్ క్విజ్ పోటీలను శుక్రవారం ప్రారంభించారు.
ఈ సందర్భంగా ఆయన మాట్లాడుతూ.. ప్రజలకు, విద్యార్థులకు మట్టివినాయక విగ్రహాలు, పర్యావరణ పరిరక్షణ, పండగపై అవగాహన కోసం ఈ క్విజ్ పోటీలను ఏర్పాటు చేశామన్నారు. ఇందుకోసం www.tspcb.cgg.gov.in <http://www.tspcb.cgg.gov.in> వెబ్సైట్లోకి వెళ్లి క్విజ్ పోటీల్లో పాల్గొనాలని సూచించారు. మొత్తం రూ.10 లక్షల బహుమతులు అందజేస్తామని పేర్కొన్నారు.
ALSO READ :ఏక్‌ ధమ్.. ఏక్‌ ధమ్ .. టైగర్‌ నాగేశ్వరరావు నుంచి కొత్త సాంగ్
ప్రతి జిల్లాకు రూ.10 వేలు మొదటి బహుమతి, రూ.5 వేలు రెండో బహుమతి, మూడో బహుమతి రూ.3వేలు అందజేస్తామని చెప్పారు. ఈ క్విజ్ పోటీలు సెప్టెంబర్1వ తేదీ నుంచి 30వ తేదీ వరకు ఉంటాయని వివరించారు. రాష్ట్రవ్యాప్తంగా పండగ సందర్భంగా 2 లక్షల మట్టి వినాయక విగ్రహాల పంపిణీ చేస్తున్నట్లు తెలిపారు. కార్యక్రమంలో సీనియర్ సోషల్ సైంటిస్టు డా. ప్రసన్న కుమార్, ఇతర ఉన్నతాధికారులు పాల్గొన్నారు.
